المحبوس الأول: علاش حبسوك؟ .. المحبوس الثاني: تصور على خاطر خنبت حبل
طوله ما يجيش ميترو .. لاكن في نهايته بقرة.

واحد خاطم من الشارع يسمع في التخبيط طاق طيق اوصل لي راس الشارع
القي الجماعة بلعبو في كارطة بالزينــقوات

في دكان ايبيع في السلع المحلية بالدركة ,, المهم مرة جيت ازمة طمام
في البلاد ,, الدكان ازحم زحمة صح ,, و حاط الطمام فوق في اخر رف و
السقف عالي ,, اتشحوير ,, الهم جي الاول قاله اعطيني حكة طمام ,, جابله
و انزل ,, الي بعده قاله اعطيني حكة طمام ,, اركب جاب و انزل ,, الي
بعده نبي حكة طمام ,, صاحب الدكان قاللهم علاش اتشحوير ماهو قولو مع
بعضكم و اني فوق ,, اركب امش قال للرابع شنو حتى انت تبي حكة طمام ,,
امشي انزل .. قاله املا انت شنو تبي ,,
قاله الرابع اني نبي حكتين مش حكة وحدة

في رجباني و يباني تعاركو ,, امشي اليباني اضرب الرجباني
ارقد في المستشفى ثلاث ايام بعدها جاه قاله شنو الحركة هادي
قاله اليباني حتى تيكواندو,,, المهم امشي الرجباني اتمرن و جي
اتعاركو مرة تانية ,, اليباني اضرب الرجباني ارقد في المستشفى ثلاث
ايام ,, بعدها جاه قاله شنو الحركة الجديدة ,, قاله اليباني حتى هيا
كاراتي ,, امشي اتمرن الرجباني و جي .. اتعاركو مرة ثالثة,, الرجباني
اضرب اليباني رقده في العناية ثلاث شهور .. بعدها جي اليباني قاله ما
اتقوليش شنو الضربة هادي... قاله هادي لا تيكواندو لا كاراتي ,, حتى هوا
كـــريك هونداي

واحـــد قتله الابلة ارسم فيل امشي ارسملها نقطة قتله وين الفيـــل يا
فرخ ..قاللها ما اتشوفيش فيه جاي من بعيد

المريض لطبيب العيون : فعلاً النظارة فضيعة ارتاح النظر فيها .. فقال الطبيب: وترتاح أكثر لما انديرلك فيها مرشات

واحد مسطول يزوق في حوشهم , خش عليه بوه قاله فرش جرايد تحتك يا ولدي, قاله عادي يابوي حتى هكي نلحق .؟

مرة واحد توأم شاف اخوه، قال له انت فين من الصبح مش بالدار يخرب شكلك، امي خلتني اتحمم مرتين!!!

شخص نادر تزوج امرأة نادرة .. جابوا ولد مهدد بالانقراض ..

المعلم مامعنى كلمة سبيل رد التلميذ طريق قال له المعلم شاطر وسلسبيل قال له طرطريق

ثلاثة حرايمية خشوا لحوازة طلعلهم مولى الحوازة هكي مداير
لبدوا في شكاير خيشة .. مولى الحوازة استغرب شن فيهم الشكاير هذو !!؟
ضرب الشكارة الاولى برجله مشى الخانب قال: بقبقبقبقبوووق ... مولى الحوازة: آآآآه شكارة معبية دجاج
ضرب الشكارة الثانية برجله مشى الخانب قال: باااااااااع .. مولى الحوازة: آآآآه شكارة فيها خروف.
ضرب الشكارة الثالثة ما فيش صوت بكل .. مولى الحوازة استأنس طاح فيها بيديه و رجليه ... طلعله الخانب الثالث تي بطاطا النهار المبارك شن تبيني نقول !!؟

واحد سأل واحد متعفلق: شن انواع المبارد؟ قاله المتعفلق: مبرد ناعم… ومبرد خشن… ومبرد وجهك

مرة واحد واقف على كبري المشاة ايقول تلاته وتلاتين تلاته وتلاتين فواحد ماشي قاله علاش هكي اتقول امشي حدفه وقال اربعة وتلاتين اربعة وتلاتين

غبي يغازل فى مرته قاللها لو انك بالهند كانو عبدوكي قالت ليش انا ملاك قال لا بقرة

واحد عنده عرس على أساس بيديروا جو خش الخال في الزحمة وضرب طلقة بالمسدس وبعدين خش العم وضرب طلقتين بكلاشن وختمهاالبو خش وحدف رمانة

واحد بطنه توجع فيه مشي لدكتور باكستاني سأله الدكتور : لاباس عليك ..
ردعليه : والله يا دكتور واكل هندي(يعنى تين شوكى) .. الدكتور سيبه وهرب

قالك ابلة اتقري في فصل ,,امشي يوم قاتلهم غضوة كل واحد ايجبلي حيـوان ,, اي حيـوان ثاني يــوم واحد جــاب جده ,, قتله وين الحيـوان يا فرج ,, قلها اهو ,,جدي اكبر تمساح في الشارع

ماتت جارية لرجل ، فلما دفنها قال : لقد كنت تقومين بحقوقي ولم أكافئك .. اشهدوا علي أنها حرة لوجه الله

قالك مره لفعه(أفعى) حشاكم عندها ضعف نظر جاها انهيار عصبي صاخت علاااش بعد اربع سنين علاقة حب طلع طوبو اميه

فيه كسلان حكموا اعليه بالإاعدام بدفنه في حفره قالوله شن تبي قبل ماتموت قال نبي نشرب امايه قالوله نوض اشرب قاللهم مازال تبوني انوض تاردم ياراجل

مرة كلب ينبح جاه انهيار عصبي اعلاش .. ينبح على واحد مايسمعش هههه

واحد قال لي بوه أعطيني خمسة دينار بأنديــر دورة ,,,, قالــه: خوذ.. دينارين و وقص قصــان

واحد اتصل بزوجته وقاللها انا ربحت المليون جهزي شنطتك بسرعة قتله: الزوجة نرفع معاي حوايج الصيف ولا الشتاء قاللها ارفعي اللي تبيه،المهم مانشوفكش في الحوش لمانرجع

قالك مره فى وحده تنوض فى ولدها قالتله نوض الخدمه قللها خلينى نرقد شويا قالتله نوض يعطيك كيا..قال:ان شاء الله معها موبايل

فروج(ديك) قال للدجاجه انتي شنو تستفيدي من جيبان البيض والناس ياكلوا فيه قالت والله انا احسن من اللي يأذن وما يصليش