مره زقرلوا(صرصور) ميت على روحه من الضحك أعلاش؟؟ اللي ايلحق فيه بشبشب أحول

في واحد شري خروف العيد,,, روح بيه للحوش ولما بينزله من السيارة قعد ينادي يا جمعة يارجب ياخليفة يا مسعود… قاله الخروف تباهي شهدرت بيا توا ننزل بروحي

في واحد شري مكسيما ركب ولد عمه يسكن في الريف المهم اطلع هوا وياه في الطريق يسمع السواق في صوت تخبيط زاد في السرعه صاحب السياره حار دوره اتلفت لولد عمه القاه امطلع ايده ويضرب في البالاوات

بخيل اتصل بزوجته وسألها : شن الغداء ؟قالتله: زيت وزعتر .. تعفلق وقال لها: اعلاش طيبتي مرتين ؟

قالك مرة واحد تضرب فيه مرته مشي لصحابه قالوله لما تضربك ما تسكتلهاش قاللهم حتى انا مش ساكتلها هيا تضرب و انا انعيط

واحد ماشي في الطريق و عنده بيحــو القي واحد عنده مكسمة امشي قاله
شنو رايك انديرو افاري ,,قاله صاحب المكسمة تي شنو تحسابني خروف انبدل
مكسمة بي بيجــو ,,قاله صاحب البيجــو هادي فيها سر امشي اضرب على
الكوفني اطلع مارد قاله برا جيب شاهي و كاكوية... امشي صاحب المسكمة
افرح ,, بدلو لي بعضهم,, روح صاحب المكسمة بالبيجـو قالوله اهله يا
مهبول اتبدل مكسمة بالبيــجو ,,,قاللهم هادي فيها سر اشرب على الكيفنو
جاه المارد قاله جيبلي 2 ليبو ز 1 مكسمة ,,قاله المارد أسف اختصاصي
شاهي و كاوكية بس

مره بخيل وولده وقفوا تاكسي.قاله:كم ترفعنا للحوش قال السواق:3 دينار البخيل قال: ولدي..قاله السواق بلبلاش قاله البخيل خلاص ارفع ولدي بس

واحد نذل موجود في غرفة الانعاش وصى اولاده ايكونوا انذل منه .. فمشوا قطعوا اعليه انبوبة الاكسجين

في جامعة وفد من سوريا جاية طرابلس ,,, امشي وحدة من سوريا بتتعرف
على ليبي من طرابلس
قالت : انا ســـورية من حــــلب
قاللها : انـــا سروال من جـــــامع الصقع

مرة واحد سئله صاحبة قاله شن رائيك في السعادة ؟ قاله أحسن جلاطي في ليبيا

في واحد رجباني ــ ما نبوش انقولو ترهوني باش خوتنا التراهنة ما
يزعلوش ــ المهم في واحد رجباني ماشي ايهيج في طرابلس امشي طاح تيزتانه
يعني محفضة,,, امشي للمركز قاللهم راح تيزتاني فيه 1000 دينار,,, امشي
اعطوه الف دينار تعويض ,, روح لصاحبه قاله اضحكت عليهم قلتلهم ديزتاني
فيه الف دينار و راح اعطوني الف دينار
امشي صاحبـــه للمركز قاللهم تيز تاني راح معاش القيته,,,, قالولــه
شنو كان فيه ,,, قاللـــهم ــــ حــوازة و حــــوش على دورين

في واحد عنده دجاج ما ايدحيش بكل ,, جاهم يوم متكنطي قال غضوة الي
ما نلقهاش امدحية على اقل خمسة دحيات بندبحها ,, اليوم التاني جي شاف
الاولى القي تحتها ستة شاف الثانية الي تحتها سبعة شاف الثالثة الي
تحتها وحدة ,, كيف جاب الموس بي ايجر عليها ابدت اتصيح اتقوله,,, اني
سردوووووك سردووووك (ديــك) مش دجاجة

الأب للمدرس : علاش ضربت ولدي أمس ؟ .. المدرس : لأن ولدك (حاشاكم)
حمار .. ما يعرفش يكتب كلمة "فيل" .. الأب بإستغراب : فيل يا ظالم !! .. ولد في
الصف الأول تبيه يكتب فيل ؟ .. قول له يكتب برغوثة .. عصفورة .. حمامة بالكثير مش فيل !!!!؟.

الأب : هل أخذتم الضرب في الحساب… الابن: نعم يا أبي وفي الجغرافيا أيضاً.

واحد سكران طينة امعكس في الشارع في الليل القي سوادني شاد شكاير
كناسة قاله ربي ايصون

طالب طلع من الاختبار أول واحد اعلاش ؟ على خاطر بوه قاله نبيك تطلع الأول.

واحد سأل واحد متعفلق: شن انواع المبارد؟ قاله المتعفلق: مبرد ناعم… ومبرد خشن… ومبرد وجهك

سكران خاطم من قدام عزاء .. حالة وفاء يعني قال الي اهل الميت ما فيش
امل يرجـــع

فيه كسلان حكموا اعليه بالإاعدام بدفنه في حفره قالوله شن تبي قبل ماتموت قال نبي نشرب امايه قالوله نوض اشرب قاللهم مازال تبوني انوض تاردم ياراجل

واحد ماشي لحديقة الحيوان .. جي جنب قفص الأسد وخشش دماغه في القفص ..
جي الحارس متاع الحديقة يصيحله من بعيد : أنتا يا راجل يا مجنون شنو تدير ..
طلع دماغك من قفص الأسد .. الراجل: غير خيرك خايف عليه .. تقول بناكلوه.

واحد يبي يتزوج قال لامه نبيها بيضة وطويلة وتخدم جابتله ثلاجة

غبي وقفه المدرس وقاله اكتب رقم 11… كتب واحد…وسأل المدرس الواحدالثاني على اليمين والا على اليسار؟

الولد لأبنه: نسكّر التلفزيون ؟ ... الإبن : لا لا .. خليه مردود

الأول : تجي نديرو آفاري ؟ .. الثاني : كيف ؟ .. الأول : أنتا تعطيني
نص الفلوس اللي معاك وأنا ناخذ منك النص الثاني.

واحد طاح من السلوم مشي يعاين اعطوه بماطة(مرهم) قالوله ادهن مكان الاصابة روح دهن السلوم