واحد بيقول لخطيبته: انا مش غني ولا عندي مرسيدس ولا مزرعه زى عاطف بس انا نموت فيكي.خطيبته بتجاوبه: وانا زيك نحبك ونموت فيك ياروحي بس احكيلي اكتر عن عاطف

شخص نادر تزوج امرأة نادرة .. جابوا ولد مهدد بالانقراض ..

قالك في مره واحد خش في رجله مسمار امشي للمستشفي قاله الدكتور رجلك تبي عمليه واربعه الاف دينار ..حسبها في دماغه القاها برنامج وووفلوس.. قاله عوجه وخليه

في واحد رجباني ــ ما نبوش انقولو ترهوني باش خوتنا التراهنة ما
يزعلوش ــ المهم في واحد رجباني ماشي ايهيج في طرابلس امشي طاح تيزتانه
يعني محفضة,,, امشي للمركز قاللهم راح تيزتاني فيه 1000 دينار,,, امشي
اعطوه الف دينار تعويض ,, روح لصاحبه قاله اضحكت عليهم قلتلهم ديزتاني
فيه الف دينار و راح اعطوني الف دينار
امشي صاحبـــه للمركز قاللهم تيز تاني راح معاش القيته,,,, قالولــه
شنو كان فيه ,,, قاللـــهم ــــ حــوازة و حــــوش على دورين

مرة واحد قال لصاحبه انا كنت جالس في البلكونة طاحت اعليا بحلوحه .. قال: صاحبه شن معنى البلكونه

مرة فيه شاب مرخي يسوق في سيارة وطلع في الأحمر .. لحق عليه الشرطي
بالموطو وقال له بعصبية : ليش طلعت في الأحمر؟ رد الشاب بخوف : والله انا لما
طلعت ما كانش أحمر هلبة .. يعني تقدر تقول نص نص.

في رجباني و يباني تعاركو ,, امشي اليباني اضرب الرجباني
ارقد في المستشفى ثلاث ايام بعدها جاه قاله شنو الحركة هادي
قاله اليباني حتى تيكواندو,,, المهم امشي الرجباني اتمرن و جي
اتعاركو مرة تانية ,, اليباني اضرب الرجباني ارقد في المستشفى ثلاث
ايام ,, بعدها جاه قاله شنو الحركة الجديدة ,, قاله اليباني حتى هيا
كاراتي ,, امشي اتمرن الرجباني و جي .. اتعاركو مرة ثالثة,, الرجباني
اضرب اليباني رقده في العناية ثلاث شهور .. بعدها جي اليباني قاله ما
اتقوليش شنو الضربة هادي... قاله هادي لا تيكواندو لا كاراتي ,, حتى هوا
كـــريك هونداي

الرجل لخطيبته: شفتي القمر يا حبيبتي .. الخطيبة: وشن قالولك أني عمية؟.

واحد مشي يزور في خالته خضرا لقاها يابسة.

في جامعة وفد من سوريا جاية طرابلس ,,, امشي وحدة من سوريا بتتعرف
على ليبي من طرابلس
قالت : انا ســـورية من حــــلب
قاللها : انـــا سروال من جـــــامع الصقع

واحد اشري سرير جديد ارقد تحته اعلاش؟ لانه ميكانيكي

قالك في عيد الاضحى ,, واحد عنده ولد سحنــون ,, امشي الراجل ادبح الخروف و قال للولد هي زود انفخها ,, قالك كيف يا بوي ,, قاله انخفها زي الناس ,, امشي الولد ابدي ينفخ في الخـروف ,, ايقوله ,,ايوة انت يا خروف ,, الي عندك قرون ,, انت يا خروف يا زعيم يا الي عندك هلبة صــوف ,, على اساس ينفخ فيـه

مرة فى واحد نوضه الأستاد قاله شن إسمك قاله المبرى على المبرى قاله قول مبرى من الجهتين وخلاص

غبي صايم اتصل على الليبية - fm قالوا: له شن تحب تسمع.. قاللهم: مقطع من أذان المغرب.

المريض لطبيب العيون : فعلاً النظارة فضيعة ارتاح النظر فيها .. فقال الطبيب: وترتاح أكثر لما انديرلك فيها مرشات

قالك واحد خـواف قالت له مرته نتمنى انمـوت بين ايديك قاللها مـوتي عند
اماليك (أهلك) و فكينا من المشاكل

قمة الوفاء: نملة تزوجت فيل ولما مات قعدت طول عمرها تدفن فيه

واحد رجباني القي بــراد شاهي.. حكــــه اطلعله مارد قاله اطلب شنو
تبي ..قاله نبي تبنيلي كوبري من الرجبان لي امريكا ,,, قاله لالا يا راجل
اطلب حاجة ساهلة شوية ,, تي شنو كوبري من الرجبان لي امريكا,,, قاله
باهي نبي ليـــبيــا تربـــــح البرازيــــل,,,, قاله المارد ما قوتليش
تبي الكوبري ــــ مشي و جي و الا مشي بس

سحانين مدايرين زردة جو الباسطي والمالفي والبكلاوة كلو كلو وبعدين صار فيها اللبز اللي يحدف بباسطي واللي بمالفي واحد منهم حدفوه ببكلاوة
طاح ساخ جوه جماعته إنوضوا فيه بعد ماناض قالوله
سني يارازل طحت من طرف بكلاوة ؟ قاللهم ماهو دربتوها من زيهة اللوزة

مره في اثنين شبحوا خيمه وسرب ضئ الاول قال هدا عرس والتاني قال عزئ المهم عرس عزئ عرس عزئ المهم جاهم واحد احرف منهم قاللهم هدا عرس واحد ميت

في واحد امشي للعيادة عنده سن فيه سوسة امشي قال لي الدكتور و النبي
نحيهم كلهم و خليه هوا بروحه زي الكــلب

وحده تكره راجلها في الدم دارت بازين (أكلة ليبية) وغنت ارفس ارفس يا حميده انشاء الله الليله اخر ليله

خانب خش لحوش ولما بدا يخنب فاق بيه مولى الحوش ومرته .. الخانب جبد
عليهم موس ورسم على الأرض زوز دوائر وقال للزوج: اوقف في وحدة من الدوائر. وقال للزوجة: اوقفي في الدائرة الثانية .. واحد منكم يطلع رجله من الدورة نقتله!! .. وتلفت للجهة الثانية وبدا يخنب .. الزوجة تكلم في الزوج وتقول له : اهو متلفت للجهة الثانية دير حل واهجم عليه وشده .. والزوج يضحك .. ولما يئست منه قالت له : ماتقولليش خيرك تضحك؟ .. الزوج : اسكتي .. من أمبكري نطلع في رجلي منالدورة وهوا مش زابطني

عجوز مشت للمستشفى مع ولدها.كشف عليها الطبيب وقال لولدها:أمك تعاني من الوحده.ولازم تزوجها حد عمره خمسين.وهم طالعين تقوله امه:الله يعينك.لو مالقيت حد عمره خمسين.جيب اثنين من بو خمسةوعشرين.

وحده غبيه صقعانه قربت من النار باش تتدفأ .. بعدها قالت : الله لايحرمنا منها دنيا.. وآخرة