واحد طاح من السلوم مشي يعاين اعطوه بماطة(مرهم) قالوله ادهن مكان الاصابة روح دهن السلوم

الأب للمدرس : علاش ضربت ولدي أمس ؟ .. المدرس : لأن ولدك (حاشاكم)
حمار .. ما يعرفش يكتب كلمة "فيل" .. الأب بإستغراب : فيل يا ظالم !! .. ولد في
الصف الأول تبيه يكتب فيل ؟ .. قول له يكتب برغوثة .. عصفورة .. حمامة بالكثير مش فيل !!!!؟.

فروج(ديك) قال للدجاجه انتي شنو تستفيدي من جيبان البيض والناس ياكلوا فيه قالت والله انا احسن من اللي يأذن وما يصليش

القاضي للمتهم: خلي إجابتك كلها شفوي .. أمتى آخر مرة شفت المجني عليه
المتهم : شفوي !!.

شنو الفرق بين العنزة الجاهلة والعنزة المتعلمة؟ العنزة الجاهلة اتقول ماء اما العنزة المتعلمة بتقول يد2أ(الرمزالكيميائى للماء)

واحد.. فضولي شاف حادث قللهم وسعوا إنا بوأ الميت !ولما وسعوله طلع الميت حمار

في اعمى خاطم في الشارع.. امشي شدت عليه سيارة فرينو اقريب
ضرباته ,, اقعد اعيط ايه تي شوطه شوطه اقتل عمه

واحد ماشي يزور في صاحبه يبي يعزمه على عرسه .. ولما طقطق على الباب
طلعتله بنت وكانت حلوة هلبة .. ولما شافها تلخبط معادش عرف شن يقول .. هو: عبد القاعد قادر ؟ .. هي: للأسف مش موجود .. من نقول له لما يجي؟ .. هو: قولي له حميدة الجاي لا .. حميدة اللي بعده عرس الخميس باش يتفضل.

مدرس سأل طلاب ..مني يحس في روحه غبي يوقف…. فوقف طالب سأله الأستاذ حاسس نفسك غبي …قال الطالب لا يا أستاذ بس قلت عيب تكون واقف بروحك

فى اتنين اغبياء يتعاندو على حاجة فى السماء واحد ايقول شمس وتانى يقول قمر المهم فات من جنبهم غبي تانى قلولها شن هذا شمس وإلا قمر قاللهم مانسكنش هنى

في مراءة ديما اتعيط على راجلها .. في حوش بوي ديما نمشي للسوق في
حوش بوي ديما نشري في حوايج ,, شاديتله 24 ساعة حوش بوي ,,, حوش بوي,,
اتكنطى منها ,, قاللها و النبي هيا بدلي حوايجــك ,, قتله وين
للســوق ,, قاللها لالا ,, لي حوش بــوك

جمل في عرسه عزم الحيوانات كلهم ماعدا البقرة خايف من جنون البقر ..جاته البقرة في العرس ويغني وتـقــــــــــــــــــــــول: حتي كان الجنون ضربنا في عــرس جمولا ما غبنا

بينما كان مراقب القاعة الامتحانات يقف في آخر الصف.. لاحظ أن أحد الطلاب يغش في الامتحان.. فتقدم منه وقال له: من غشنا فليس منا.. فأجابه الطالب: من راقب الناس مات هماً.

في مرة من المرات سال طفل صاحب سوبر ماركت هل عندك سكر؟ قال البائع: نعم عندي سكر قال الطفل: ربنا يشفيك.

واحد خاطم من الشارع يسمع في التخبيط طاق طيق اوصل لي راس الشارع
القي الجماعة بلعبو في كارطة بالزينــقوات

غبي يغازل فى مرته قاللها لو انك بالهند كانو عبدوكي قالت ليش انا ملاك قال لا بقرة

واحد مسطول يزوق في حوشهم , خش عليه بوه قاله فرش جرايد تحتك يا ولدي, قاله عادي يابوي حتى هكي نلحق .؟

المريض لطبيب العيون : فعلاً النظارة فضيعة ارتاح النظر فيها .. فقال الطبيب: وترتاح أكثر لما انديرلك فيها مرشات

قالك في شيباني عنده سيارة دلاع ,, ماشي في الطريق على ايميـنه ,و و دوره يكسر طول على يساره ,, و يحشـيها السيارة ,,في سيارة شبيب ,, امشي انزل الشبيب قاله ــ تي خيرك يا حويج مش ادير فليتشـا ,, قاله الشيباني مش عارف امها ماشيـة للســوق

قالك في زوز رجبان امعكسين تحت ناطحة سحاب ايشوفو في حاجة نازلة من
فـــــوق الجماعة مدت ايديها بي تتلقى ،، يحسابوه شنطة و الا تيزتان...
طاح عليهم دولاب امهني

قالك واحد خـواف قالت له مرته نتمنى انمـوت بين ايديك قاللها مـوتي عند
اماليك (أهلك) و فكينا من المشاكل

مرة واحد إمشي بيخطب .. امشي جابتلة البنت طاسة شاهي كيس امشي قام الورقة امتع شاهي الكيس .. وقلها شني ابنبدوا في جو السحر من توى

واحد يحلق لحيته ! شرين (دق الجرس) الباب جرح روحه بالشفره..علالالالالاش ؟ باش يعرف وين وصل بالحلاقه

في واحد شري خروف العيد,,, روح بيه للحوش ولما بينزله من السيارة قعد ينادي يا جمعة يارجب ياخليفة يا مسعود… قاله الخروف تباهي شهدرت بيا توا ننزل بروحي

واحد اعمى ماشي للعرس ارفع مع ولده قاله كان الجماعة يأكلو بسرعة
انخصني باش الحقو معاهم,, امشي الاعمي عكس مع جماعة بدالي و هابي ,,
اقعد ياكل بسرعة الولد اتحشم ابدي ينخص في بوه ,, و الشيابني طايح ليه
ليه و الولد بنخص,, امشي الشايبني لوح الكاشيك
و قام الصونية ,, قاللهم تي غيـــر صلو على النبي يا جماعة بشوية