شنو الفرق بين العنزة الجاهلة والعنزة المتعلمة؟ العنزة الجاهلة اتقول ماء اما العنزة المتعلمة بتقول يد2أ(الرمزالكيميائى للماء)

في مصري امشي للجزار قاله اعطيني لحمة بجنيـــه قاله الجزار هاك الحس
الشيـــــتة

واحد.. فضولي شاف حادث قللهم وسعوا إنا بوأ الميت !ولما وسعوله طلع الميت حمار

نذل يصب لأبوه قهوه قاله بوه شن آخر أخبار النذاله قاله نص القهوه ديتول….

غبي مقعمز تحت الشمس.. ومعه دودة سألوه.. علاش مقعمز مع دودة قال: نصحني الدكتور بالجلوس تحت الشمس دقائق معدودة. (مع دودة)

غبي امشي يحجز في الطيران سأل الموظف قاله: رحلت طرابلس القاهره كم تستغرق قاله لحظه قاله شكرا

قال الطبيب للمريض : وصفتلك هذا الدواء امشي عليه خمسة أيام ثم راجعني ، وبعدخمسة أيام متحسنتش حالته فسأله الطبيب :تاخذ في الدواء أو لا ؟ قال أيه نصب فيه على الأرض ونمشي عليه

غبي صايم اتصل على الليبية - fm قالوا: له شن تحب تسمع.. قاللهم: مقطع من أذان المغرب.

قالك في اسـد جي قدام حمــار ,, و يمـنع ,, الحمـار شافـه ,, استغرب ,, المهم الاسد يوقف شوية ,, ايشوف الحمار اشبحله ,, يمنع ,, الحمار استغرب و ايشدها في جـرته و الاسد يجـري و الحمـار في جــرته ,, لين وصلو لي مغــارة الاسد ,, شن طلع ,, قالك الاسـودة يلعبـوا حصـلة في الري من يجيب حمــــار حي

واحد بيقول لخطيبته: انا مش غني ولا عندي مرسيدس ولا مزرعه زى عاطف بس انا نموت فيكي.خطيبته بتجاوبه: وانا زيك نحبك ونموت فيك ياروحي بس احكيلي اكتر عن عاطف

مرة واحد ايقول:احسن خمس اشياء في الدنيا ثلاث الاكل والنوم

مراءة ليبية امشت من سيربح المليون امشي علقت في سؤال طلبت استعانة
بصديقة,,اتصل جورج قرداحي :الوو اخت فاطمة ,,معاك جورج قرداحي من
برنامج من سيربح المليون ,,قتله و النبي سكر من غير اتســهويك

في واحد مراته حامل امشي قال كاني جاني ولد بأنسميه مبروك امشي مراته جابت ولد وجت الممرضة اتفرح فيه قتله الف الف مبـروك قاللها قمــطي و حطــي في الســـيارة

واحد بنا حوشه بشكل دائري باش مرته ما تقولش حابسني بين أربع حيوط.

قالك مرة واحد تضرب فيه مرته مشي لصحابه قالوله لما تضربك ما تسكتلهاش قاللهم حتى انا مش ساكتلها هيا تضرب و انا انعيط

مرة واحد توأم شاف اخوه، قال له انت فين من الصبح مش بالدار يخرب شكلك، امي خلتني اتحمم مرتين!!!

غبي وقفه المدرس وقاله اكتب رقم 11… كتب واحد…وسأل المدرس الواحدالثاني على اليمين والا على اليسار؟

ثلاثة حرايمية خشوا لحوازة طلعلهم مولى الحوازة هكي مداير
لبدوا في شكاير خيشة .. مولى الحوازة استغرب شن فيهم الشكاير هذو !!؟
ضرب الشكارة الاولى برجله مشى الخانب قال: بقبقبقبقبوووق ... مولى الحوازة: آآآآه شكارة معبية دجاج
ضرب الشكارة الثانية برجله مشى الخانب قال: باااااااااع .. مولى الحوازة: آآآآه شكارة فيها خروف.
ضرب الشكارة الثالثة ما فيش صوت بكل .. مولى الحوازة استأنس طاح فيها بيديه و رجليه ... طلعله الخانب الثالث تي بطاطا النهار المبارك شن تبيني نقول !!؟

واحد ماشي يزور في صاحبه يبي يعزمه على عرسه .. ولما طقطق على الباب
طلعتله بنت وكانت حلوة هلبة .. ولما شافها تلخبط معادش عرف شن يقول .. هو: عبد القاعد قادر ؟ .. هي: للأسف مش موجود .. من نقول له لما يجي؟ .. هو: قولي له حميدة الجاي لا .. حميدة اللي بعده عرس الخميس باش يتفضل.

طبيب الأسنان للمريض : اعلاش تصيح .. قاعد ممسيتش سنونك ؟قاله انت عافس على رجلي

في طالب روح لي بوه ناتشه الاستاد من ودنه امشي جي ولئ امر الطالب ,,
قال للاستاد خيره ولدي,,, قاله يتسهوك ,, انقوله ارسم منضر طبيعي ايقولي
تبيه غروب و الا شروق في شجر و الا ازهار كبار و الا صغار,, امشي الراجل
قاله لالا يا استاد ولدي شاطر امورقله،،، الاستاد قال لي الراجل تعال اوقف
بحدا الباب و خنس لي ولدك,, امشي الاستاد نوض الولد و بوه لابد بحدا
الباب ,, قاله ارسم منضر طبيعي ,, قاله الولد كيف يا استاد غروب و الا
شروق سيف و الا شتاء ربيع و الا خريف ,, امشي بوه اتكنطي خش للاستاد قاله
و النبي تنتــشه و الا ننــتشه اني

في ثلاث طلبة عندهم امتحانات ,, و هما سينسة مش قارين شي
قالو انخشو على البركة و خلاص و اي واحد يعرف حاجة ايقول للثاني
الهم جاهم سؤال : كــم عدد ارجل النعجة ,, ما عرفوش ,, اثنين سلمو
وراقيهم و واحد اقعد ,, بعد ما تم الوقت ,, قالوله علاش ما قلتناش كم
عدد ارجل النعجــــــة,,, قاللهم و الله ما فيها كيف المراقب كان حنبي
ما اقدرتــــش انطلعها النعـــــجة

مرة واحد عضه كلب ردهاله

في جامعة وفد من سوريا جاية طرابلس ,,, امشي وحدة من سوريا بتتعرف
على ليبي من طرابلس
قالت : انا ســـورية من حــــلب
قاللها : انـــا سروال من جـــــامع الصقع

مره فيه خانب ونذل قال النذل للخانب علمني كيف نخنب تزدان من حد فعلمه..الخانب:توه انت علمني كيف انكون نذل.. يمشي النذل شد الخانب ويقول خاااااااااااانب