قالك واحد خـواف قالت له مرته نتمنى انمـوت بين ايديك قاللها مـوتي عند
اماليك (أهلك) و فكينا من المشاكل

في واحد مراته حامل امشي قال كاني جاني ولد بأنسميه مبروك امشي مراته جابت ولد وجت الممرضة اتفرح فيه قتله الف الف مبـروك قاللها قمــطي و حطــي في الســـيارة

وحده تكره راجلها في الدم دارت بازين (أكلة ليبية) وغنت ارفس ارفس يا حميده انشاء الله الليله اخر ليله

مرة غبي ماشى هو وصاحبته قالتله حى بابا ! قاللها ارزنى توا انقوله اختى !؟

مرة فيه واحد سكر راسه على صوابع خوه

مرة واحد إمشي بيخطب .. امشي جابتلة البنت طاسة شاهي كيس امشي قام الورقة امتع شاهي الكيس .. وقلها شني ابنبدوا في جو السحر من توى

مره واحد سئلوه شن تعريف الزوجة: هى غلطه،ورطه وطول العمر ربطه يا تصيب يا تخيب يا تجيب جلطه

واحد ماشي يزور في صاحبه يبي يعزمه على عرسه .. ولما طقطق على الباب
طلعتله بنت وكانت حلوة هلبة .. ولما شافها تلخبط معادش عرف شن يقول .. هو: عبد القاعد قادر ؟ .. هي: للأسف مش موجود .. من نقول له لما يجي؟ .. هو: قولي له حميدة الجاي لا .. حميدة اللي بعده عرس الخميس باش يتفضل.

فيه كسلان حكموا اعليه بالإاعدام بدفنه في حفره قالوله شن تبي قبل ماتموت قال نبي نشرب امايه قالوله نوض اشرب قاللهم مازال تبوني انوض تاردم ياراجل

غبي أنقذ واحد غارق.. عطوه وسام شجاعة وقالوله: بس للأسف الراجل انتحر شنقا.. رد الغبي: لا إنا علقته باش ايجف.

واحد قال لي بوه أعطيني خمسة دينار بأنديــر دورة ,,,, قالــه: خوذ.. دينارين و وقص قصــان

قالك فى مرة واحد تعرف على وحدة قللها شن اسمك قالتله زهرة قللها شن اسم أختك الثانية قتلة أزهار قلها شن اسم أختك الثالثة قتلة زهور قلها شن اسم خوك قلتلة زهير مشى قالها مالا بطن أمك جردينة

واحد مشترك في من سيربح المليون .. ولما وصل في سؤال صعب طلب يتصل
بصديق .. واعطاهم رقم مرته .. ولما كلماته قال لها : شنو رايك ياحبيبتي نحذف
إجابتين أو ناخذ راي الجمهور؟.

مرة في واحد بخيل جاه ولده قاله يا بوي نبي 5 جنيه قاله بوه : اه شن تبي 4 جنيه !و شن بتدير بالتلات جنيه ؟بتاخد شكلاطة متع زوز جنيه ..هاك خود اجنيه

ثلاثة حرايمية خشوا لحوازة طلعلهم مولى الحوازة هكي مداير
لبدوا في شكاير خيشة .. مولى الحوازة استغرب شن فيهم الشكاير هذو !!؟
ضرب الشكارة الاولى برجله مشى الخانب قال: بقبقبقبقبوووق ... مولى الحوازة: آآآآه شكارة معبية دجاج
ضرب الشكارة الثانية برجله مشى الخانب قال: باااااااااع .. مولى الحوازة: آآآآه شكارة فيها خروف.
ضرب الشكارة الثالثة ما فيش صوت بكل .. مولى الحوازة استأنس طاح فيها بيديه و رجليه ... طلعله الخانب الثالث تي بطاطا النهار المبارك شن تبيني نقول !!؟

واحد أعمى اتبرعتله مرته.. بوحدة من عيونه أول مافتح عينه القي مرته.. عورة طلقها

فيه ابلة تشرح للطلبة درس الاتحاد قوة امشي نوضت طالب اسمه ابو
عجيلة ..قالت توا بنعطو لي بوعجيلة عصى وحدة بكسرها ,,طربق بوعجيلة
العصى,,قالت توا بنعطو ابو عجيلة عصاتين مع بعض,, طربق بوعجيلة
العصاتين ,,,بعدين قالت توا بنعطو بوعجيلة الحزمة كلها ما يقدرش
ايكسرها ,,,امش طربق بوعجيلة الحزمة كلها,,,قتـتله افلقــت الدرس يا
بوعجيلة

في شيباني ليبي امشي من سيربح المليــون امش سأله جورج قرداحي قاله من جاي معاك الشيباني قاله أمـــي امشي جورج قرداحي قاله عنــجد أمـــك,يعني بجديات.قاله الشيباني عنجـــد بـــــوك

وانبطح الحمار وغردت الزرافه وطار الفيل فوق الشجره واجتمع الاحبه الاسد والغزال ونهقت الحمامه وطربت العصافير ورقص القرد مع الديك غبي يحاول يكتب قصص اطفال

ابلة سألت طالب قالت له ,, عندك 5 دينار و اخد منك خوك دينارين و
نص ,,, قداش يقعد عندك,,, قاللها ما يقعد عندي شي ,, قتله كيف
قاللها و الله ما يقعد عندي حاجة ,, قتلها توا بتعرف الحساب احسن مني
قاللها توا انتي بتعرفي خوي احسن مني ,,

مره غبي يسأل في خوه:الثعلب يلد ولا يبيض..رد عليه:الثعلب مكار اتوقع منه اي حاجه

مدرس سأل طلاب ..مني يحس في روحه غبي يوقف…. فوقف طالب سأله الأستاذ حاسس نفسك غبي …قال الطالب لا يا أستاذ بس قلت عيب تكون واقف بروحك

فيه واحد رافع بامبلة غاز ومشي ايقول لامه ادعيلي عالصبح..قالتله ان شاء الله ربي يفتحها فى وجهك يا قادر يا كريم

سكران طاح من فوق عمارة قالوللــه لابس شنو صار قاللهم و الله ما ني
عارف حتى اني كيف واصل

مراة كبيره في سن.. خشت لمحو الأمية ..في الامتحان قالتلها الأبلة ..أعطينا جمله فيها إدغام بغنه قالتله ..عمية تعميك