سأل المعلم تلاميذه: ما هي أخوات ان؟ فأجاب احدالتلاميذ :إن وأن ولعل وليت وكيت. فقال المعلم مستغربا: ومن أين كيت هذه؟ فاجاب التلميذ: من اخوات ان ولكن من أم أخرى.

واحد اتصل بزوجته وقاللها انا ربحت المليون جهزي شنطتك بسرعة قتله: الزوجة نرفع معاي حوايج الصيف ولا الشتاء قاللها ارفعي اللي تبيه،المهم مانشوفكش في الحوش لمانرجع

الطفلة تسأل أمها: ماما .. علاش العروسة تلبس قفطان أبيض في العرس؟ ..
الأم: لأنها خاشة على دنيا جديدة كلها بيضاء .. الطفلة: أها .. وأني نقول علاش
العريس يلبس في بدلة سوداء؟

فروج(ديك) قال للدجاجه انتي شنو تستفيدي من جيبان البيض والناس ياكلوا فيه قالت والله انا احسن من اللي يأذن وما يصليش

ابلة سألت طالب قالت له ,, عندك 5 دينار و اخد منك خوك دينارين و
نص ,,, قداش يقعد عندك,,, قاللها ما يقعد عندي شي ,, قتله كيف
قاللها و الله ما يقعد عندي حاجة ,, قتلها توا بتعرف الحساب احسن مني
قاللها توا انتي بتعرفي خوي احسن مني ,,

مره فيه خانب ونذل قال النذل للخانب علمني كيف نخنب تزدان من حد فعلمه..الخانب:توه انت علمني كيف انكون نذل.. يمشي النذل شد الخانب ويقول خاااااااااااانب

سكران طاح من فوق عمارة قالوللــه لابس شنو صار قاللهم و الله ما ني
عارف حتى اني كيف واصل

غبي صايم اتصل على الليبية - fm قالوا: له شن تحب تسمع.. قاللهم: مقطع من أذان المغرب.

الأول: اعلاش القطار مهم ؟ الثاني : لأن تحته خطين

وحدة يابانية مشت للعمل و خلت ولدها عند جارتها الليبية مشي الولد قعد ايعيط ما عرفتكش كيف اتسكته قالتله( داوو - سونى - جي في سي ) امك عدت توا تجي

· مرة واحد بيدير ريجيم وصاه الدكتور يمشي لمدة 15 اليوم على رجليه بعد اسبوعين اتصل بالدكتور قاله انا على حدود السعودية انكمل ولا انروح

واحد رجباني القي بــراد شاهي.. حكــــه اطلعله مارد قاله اطلب شنو
تبي ..قاله نبي تبنيلي كوبري من الرجبان لي امريكا ,,, قاله لالا يا راجل
اطلب حاجة ساهلة شوية ,, تي شنو كوبري من الرجبان لي امريكا,,, قاله
باهي نبي ليـــبيــا تربـــــح البرازيــــل,,,, قاله المارد ما قوتليش
تبي الكوبري ــــ مشي و جي و الا مشي بس

عالم كيمياء.. جاه ولد سماه ســـــــــــامي أكسيد الكربون.

واحد اشري سرير جديد ارقد تحته اعلاش؟ لانه ميكانيكي

ثلاثة حرايمية خشوا لحوازة طلعلهم مولى الحوازة هكي مداير
لبدوا في شكاير خيشة .. مولى الحوازة استغرب شن فيهم الشكاير هذو !!؟
ضرب الشكارة الاولى برجله مشى الخانب قال: بقبقبقبقبوووق ... مولى الحوازة: آآآآه شكارة معبية دجاج
ضرب الشكارة الثانية برجله مشى الخانب قال: باااااااااع .. مولى الحوازة: آآآآه شكارة فيها خروف.
ضرب الشكارة الثالثة ما فيش صوت بكل .. مولى الحوازة استأنس طاح فيها بيديه و رجليه ... طلعله الخانب الثالث تي بطاطا النهار المبارك شن تبيني نقول !!؟

مراة كبيره في سن.. خشت لمحو الأمية ..في الامتحان قالتلها الأبلة ..أعطينا جمله فيها إدغام بغنه قالتله ..عمية تعميك

الزبون للبائع : عندك سلاطة خضرا ؟ .. البائع : للأسف ما عنديش !! .. الزبون : باهي شوفلي أي لون تاني.

المحبوس الأول: علاش حبسوك؟ .. المحبوس الثاني: تصور على خاطر خنبت حبل
طوله ما يجيش ميترو .. لاكن في نهايته بقرة.

قالك في مره واحد خش في رجله مسمار امشي للمستشفي قاله الدكتور رجلك تبي عمليه واربعه الاف دينار ..حسبها في دماغه القاها برنامج وووفلوس.. قاله عوجه وخليه

واحد عنده دجاج خاطم بيه من الرجبان لي طرابلس و هوا ماشي وقفوه
البوابة الاولى ,,, شنو عندك ,, قاللهم عندي دجاج ,, شنو اتوكل فيه
قاللهم شعير ,, قالوله يا حمار اتوكل في الدجاج الشعير و الناس مش لاقية
تاكل ,, اعطوه طريحة اقريب قتلوه,, جي من البوابة الثانية
شنو عندك ,, عندي دجاج ,, شنو اتوكل فيهم .. قاللهم كناسة ,, قالوله
اتوكل في الدجاج الكناسة بعدين اتبيع فيه للناس ,, اعطوه طريحة ,,,
جي للبوابة الثالثة , قالولـه شنو عندك ,,, قال دجاج , قالوله شنو
اتوكل فيه ,, قاللهم من الاخير نعطي فيه في مصرو ف و يمشي يشري بروحه

في واحد خاطم و عنده حمار ماشي بيه ,, القاه صاحبه ,, اقعد يتسهوك
عليه ,, قاله تعرف يا راس و الله اعرفت حمار و انت ما اعرفتكش.... قاله
عادي ,, الحميـــــر تعرف بعضها

قالك مره فى وحده تنوض فى ولدها قالتله نوض الخدمه قللها خلينى نرقد شويا قالتله نوض يعطيك كيا..قال:ان شاء الله معها موبايل

طالب طلع من الاختبار أول واحد اعلاش ؟ على خاطر بوه قاله نبيك تطلع الأول.

المعلم مامعنى كلمة سبيل رد التلميذ طريق قال له المعلم شاطر وسلسبيل قال له طرطريق

وحده غبيه صقعانه قربت من النار باش تتدفأ .. بعدها قالت : الله لايحرمنا منها دنيا.. وآخرة

الطفلة تسأل أمها: ماما..علاش العروسة تلبس قفطان أبيض في العرس؟الأم:لأنها خاشة على دنيا جديدة كلها بيضاء..الطفلة:أها..وأني نقول علاش العريس يلبس في بدلة سوداء؟