قالك مرة فى ثلاتة أغبياء يلعبو فى السريع اللى تضربه سيارة مرتين يطلع

واحد بنا حوشه بشكل دائري باش مرته ما تقولش حابسني بين أربع حيوط.

الأول : كيف تقول لشخص أجنبي تعالي هنا بالإنجليزي ؟ ... الثاني :
نقول له "كم هير" .. الأول : وكيف تقول له برة غادي بالإنجليزي ؟ .. الثاني :
نمشي غادي ونقول له "كم هير".

في واحد ترهوني امشي لي طرابلي القي خلاط امتع عصير قامه و اقعد يفحص
فيه ما يعرفاش شنو هوا قال و الله لما نشري واحد و اروح بيه... المهم روح
بيه للبلاد ,, جابه للجماعة حطوه في النص ,, و دارو عليه دورة ,, و
يفكرو فيه شنو هوا,, بعد سعتين و الا ثلاث ناض اذكى واحد فيهم على
اساس ,, قاللهم و ربي الكعبة ما يطلع الا غسالة شخاشير

في دكان ايبيع في السلع المحلية بالدركة ,, المهم مرة جيت ازمة طمام
في البلاد ,, الدكان ازحم زحمة صح ,, و حاط الطمام فوق في اخر رف و
السقف عالي ,, اتشحوير ,, الهم جي الاول قاله اعطيني حكة طمام ,, جابله
و انزل ,, الي بعده قاله اعطيني حكة طمام ,, اركب جاب و انزل ,, الي
بعده نبي حكة طمام ,, صاحب الدكان قاللهم علاش اتشحوير ماهو قولو مع
بعضكم و اني فوق ,, اركب امش قال للرابع شنو حتى انت تبي حكة طمام ,,
امشي انزل .. قاله املا انت شنو تبي ,,
قاله الرابع اني نبي حكتين مش حكة وحدة

قالك مره لفعه(أفعى) حشاكم عندها ضعف نظر جاها انهيار عصبي صاخت علاااش بعد اربع سنين علاقة حب طلع طوبو اميه

في جامعة وفد من سوريا جاية طرابلس ,,, امشي وحدة من سوريا بتتعرف
على ليبي من طرابلس
قالت : انا ســـورية من حــــلب
قاللها : انـــا سروال من جـــــامع الصقع

المعلم لتلميذ:اجمع كلمة لص…..التلميذ:عصابة يا أستاذ

واحد ماشي لحديقة الحيوان .. جي جنب قفص الأسد وخشش دماغه في القفص ..
جي الحارس متاع الحديقة يصيحله من بعيد : أنتا يا راجل يا مجنون شنو تدير ..
طلع دماغك من قفص الأسد .. الراجل: غير خيرك خايف عليه .. تقول بناكلوه.

قالك في شيباني عنده سيارة دلاع ,, ماشي في الطريق على ايميـنه ,و و دوره يكسر طول على يساره ,, و يحشـيها السيارة ,,في سيارة شبيب ,, امشي انزل الشبيب قاله ــ تي خيرك يا حويج مش ادير فليتشـا ,, قاله الشيباني مش عارف امها ماشيـة للســوق

الأول : تجي نديرو آفاري ؟ .. الثاني : كيف ؟ .. الأول : أنتا تعطيني
نص الفلوس اللي معاك وأنا ناخذ منك النص الثاني.

واحد كان يلبس رقم 40 في حذاءه ثم أصبح يلبس بعد 5 دقائق 36 اعلاش؟ قصّ أظافره

مدرس عربي دخل الفصل قال اليوم حصة املاء.يااولاد اكتبوا: ذهب حسام الى المصيف يوم الاربعاء. قال ولد لو سمحت يااستاذالاربعاء همزة على السطر ولا على الألف؟الأستاذ قاله خلاص ياولدي خليها الخميس.

في رجباني و يباني تعاركو ,, امشي اليباني اضرب الرجباني
ارقد في المستشفى ثلاث ايام بعدها جاه قاله شنو الحركة هادي
قاله اليباني حتى تيكواندو,,, المهم امشي الرجباني اتمرن و جي
اتعاركو مرة تانية ,, اليباني اضرب الرجباني ارقد في المستشفى ثلاث
ايام ,, بعدها جاه قاله شنو الحركة الجديدة ,, قاله اليباني حتى هيا
كاراتي ,, امشي اتمرن الرجباني و جي .. اتعاركو مرة ثالثة,, الرجباني
اضرب اليباني رقده في العناية ثلاث شهور .. بعدها جي اليباني قاله ما
اتقوليش شنو الضربة هادي... قاله هادي لا تيكواندو لا كاراتي ,, حتى هوا
كـــريك هونداي

في شيباني ليبي امشي من سيربح المليــون امش سأله جورج قرداحي قاله من جاي معاك الشيباني قاله أمـــي امشي جورج قرداحي قاله عنــجد أمـــك,يعني بجديات.قاله الشيباني عنجـــد بـــــوك

في واحد رجباني ــ ما نبوش انقولو ترهوني باش خوتنا التراهنة ما
يزعلوش ــ المهم في واحد رجباني ماشي ايهيج في طرابلس امشي طاح تيزتانه
يعني محفضة,,, امشي للمركز قاللهم راح تيزتاني فيه 1000 دينار,,, امشي
اعطوه الف دينار تعويض ,, روح لصاحبه قاله اضحكت عليهم قلتلهم ديزتاني
فيه الف دينار و راح اعطوني الف دينار
امشي صاحبـــه للمركز قاللهم تيز تاني راح معاش القيته,,,, قالولــه
شنو كان فيه ,,, قاللـــهم ــــ حــوازة و حــــوش على دورين

فروج(ديك) قال للدجاجه انتي شنو تستفيدي من جيبان البيض والناس ياكلوا فيه قالت والله انا احسن من اللي يأذن وما يصليش

مراة كبيره في سن.. خشت لمحو الأمية ..في الامتحان قالتلها الأبلة ..أعطينا جمله فيها إدغام بغنه قالتله ..عمية تعميك

قالك فى مرة واحد تعرف على وحدة قللها شن اسمك قالتله زهرة قللها شن اسم أختك الثانية قتلة أزهار قلها شن اسم أختك الثالثة قتلة زهور قلها شن اسم خوك قلتلة زهير مشى قالها مالا بطن أمك جردينة

سكران طاح من فوق عمارة قالوللــه لابس شنو صار قاللهم و الله ما ني
عارف حتى اني كيف واصل

واحد مشي يزور في خالته خضرا لقاها يابسة.

في واحد ناض من النوم القي ايده زرقاء امشي للدكتور ,, قاله هدا ورم
خبيث لازم انقصو ايدك ,, قاله باهي.. امشي الدكتور قصله ايده
تاني يوم ناض الراجل الي رقبته زرقاء ,, امشي للدكتور نفسه ,,, قاله
لازم انقص رقبتك .. قاله الراجل شنو هوا تي برا يا راجل,, امشي قال احسن
برنامج نمشي انعالج برا خيرلي ,, امشي سافر برا امشي للدكتور .. قاله
نوضت من النوم القيت رقبتي زرقاء شافه الدكتور ,, قاله برا اغسل
رقبتك .. طالــقة عليها رقبة السورية

مره فيه خانب ونذل قال النذل للخانب علمني كيف نخنب تزدان من حد فعلمه..الخانب:توه انت علمني كيف انكون نذل.. يمشي النذل شد الخانب ويقول خاااااااااااانب

مرة كلب ينبح جاه انهيار عصبي اعلاش .. ينبح على واحد مايسمعش هههه

واحد يبي يتزوج قال لامه نبيها بيضة وطويلة وتخدم جابتله ثلاجة