في واحد مراته حامل امشي قال كاني جاني ولد بأنسميه مبروك امشي مراته جابت ولد وجت الممرضة اتفرح فيه قتله الف الف مبـروك قاللها قمــطي و حطــي في الســـيارة

غبي مقعمز تحت الشمس.. ومعه دودة سألوه.. علاش مقعمز مع دودة قال: نصحني الدكتور بالجلوس تحت الشمس دقائق معدودة. (مع دودة)

مره واحد سئلوه شن تعريف الزوجة: هى غلطه،ورطه وطول العمر ربطه يا تصيب يا تخيب يا تجيب جلطه

الطفلة تسأل أمها: ماما .. علاش العروسة تلبس قفطان أبيض في العرس؟ ..
الأم: لأنها خاشة على دنيا جديدة كلها بيضاء .. الطفلة: أها .. وأني نقول علاش
العريس يلبس في بدلة سوداء؟

الولد لأبنه: نسكّر التلفزيون ؟ ... الإبن : لا لا .. خليه مردود

واحد خاطم من الشارع يسمع في التخبيط طاق طيق اوصل لي راس الشارع
القي الجماعة بلعبو في كارطة بالزينــقوات

نذل يصب لأبوه قهوه قاله بوه شن آخر أخبار النذاله قاله نص القهوه ديتول….

في واحد شري خروف العيد,,, روح بيه للحوش ولما بينزله من السيارة قعد ينادي يا جمعة يارجب ياخليفة يا مسعود… قاله الخروف تباهي شهدرت بيا توا ننزل بروحي

مرة غبي ماشى هو وصاحبته قالتله حى بابا ! قاللها ارزنى توا انقوله اختى !؟

قالك مره فى وحده تنوض فى ولدها قالتله نوض الخدمه قللها خلينى نرقد شويا قالتله نوض يعطيك كيا..قال:ان شاء الله معها موبايل

واحد رجباني القي بــراد شاهي.. حكــــه اطلعله مارد قاله اطلب شنو
تبي ..قاله نبي تبنيلي كوبري من الرجبان لي امريكا ,,, قاله لالا يا راجل
اطلب حاجة ساهلة شوية ,, تي شنو كوبري من الرجبان لي امريكا,,, قاله
باهي نبي ليـــبيــا تربـــــح البرازيــــل,,,, قاله المارد ما قوتليش
تبي الكوبري ــــ مشي و جي و الا مشي بس

في دكان ايبيع في السلع المحلية بالدركة ,, المهم مرة جيت ازمة طمام
في البلاد ,, الدكان ازحم زحمة صح ,, و حاط الطمام فوق في اخر رف و
السقف عالي ,, اتشحوير ,, الهم جي الاول قاله اعطيني حكة طمام ,, جابله
و انزل ,, الي بعده قاله اعطيني حكة طمام ,, اركب جاب و انزل ,, الي
بعده نبي حكة طمام ,, صاحب الدكان قاللهم علاش اتشحوير ماهو قولو مع
بعضكم و اني فوق ,, اركب امش قال للرابع شنو حتى انت تبي حكة طمام ,,
امشي انزل .. قاله املا انت شنو تبي ,,
قاله الرابع اني نبي حكتين مش حكة وحدة

مرة واحد واقف على كبري المشاة ايقول تلاته وتلاتين تلاته وتلاتين فواحد ماشي قاله علاش هكي اتقول امشي حدفه وقال اربعة وتلاتين اربعة وتلاتين

واحد يبي يتزوج قال لامه نبيها بيضة وطويلة وتخدم جابتله ثلاجة

في رجباني و يباني تعاركو ,, امشي اليباني اضرب الرجباني
ارقد في المستشفى ثلاث ايام بعدها جاه قاله شنو الحركة هادي
قاله اليباني حتى تيكواندو,,, المهم امشي الرجباني اتمرن و جي
اتعاركو مرة تانية ,, اليباني اضرب الرجباني ارقد في المستشفى ثلاث
ايام ,, بعدها جاه قاله شنو الحركة الجديدة ,, قاله اليباني حتى هيا
كاراتي ,, امشي اتمرن الرجباني و جي .. اتعاركو مرة ثالثة,, الرجباني
اضرب اليباني رقده في العناية ثلاث شهور .. بعدها جي اليباني قاله ما
اتقوليش شنو الضربة هادي... قاله هادي لا تيكواندو لا كاراتي ,, حتى هوا
كـــريك هونداي

في طالب قالت له الابلة جيب بــوك .. امشي جي بوه قال لي الابلة خيره
ولدي ,, قالت له ولد خروف غبي ما يعرف شي,., قال لها
كيف ولد ذكي ,, قالت نسأله سؤال كان جاوب ولدك ذكي ,, قالت للولد برا
دور عليا لوطى ,, امشي الولد دور دور و ارجع،،ـ قاللها يا ابلة دورت
عليك في المسرح و حجرة المدرسات ما القيتكش ,, اتلفت له بوه و يضربه
كف .. قال له تي برا شوفها في الادارة يا حمــــار

سحانين مدايرين زردة جو الباسطي والمالفي والبكلاوة كلو كلو وبعدين صار فيها اللبز اللي يحدف بباسطي واللي بمالفي واحد منهم حدفوه ببكلاوة
طاح ساخ جوه جماعته إنوضوا فيه بعد ماناض قالوله
سني يارازل طحت من طرف بكلاوة ؟ قاللهم ماهو دربتوها من زيهة اللوزة

جمل في عرسه عزم الحيوانات كلهم ماعدا البقرة خايف من جنون البقر ..جاته البقرة في العرس ويغني وتـقــــــــــــــــــــــول: حتي كان الجنون ضربنا في عــرس جمولا ما غبنا

سكران خاطم من قدام عزاء .. حالة وفاء يعني قال الي اهل الميت ما فيش
امل يرجـــع

واحد بخيل سألوه اذا جي الجو برد شن أدير,قال نقرب شوي لدفايه وسألوه إذا جي الجو أبرد شوية شن ادير قال نقرب اكثر على دفايه فسألوه إذا جي الجو بارد هلباهلبا شن ادير قال وقتها نشغل الدفايه

في واحد شري مكسيما ركب ولد عمه يسكن في الريف المهم اطلع هوا وياه في الطريق يسمع السواق في صوت تخبيط زاد في السرعه صاحب السياره حار دوره اتلفت لولد عمه القاه امطلع ايده ويضرب في البالاوات

في شيخ يبي يتزوج سئلوه:قالوله كيف تبي مرتك..قاللهم نبيها والعياد بالله مثل .. أليسا

قالك مره لفعه(أفعى) حشاكم عندها ضعف نظر جاها انهيار عصبي صاخت علاااش بعد اربع سنين علاقة حب طلع طوبو اميه

مرة ولد ايكلم في بوه: يابوي الرخصة انتهت… قال: هذا من كثرت الدوران في الشوارع

التلميذ قال لابلته نحبك يا أبلة ونبي نتزوجك!!!!!!!تزرطت (أحرجت) الابلة وقالته: انا ما نحبش الأولاد الصغار!!!!! قاللها عادي حتى انا مش مستعجل على الصغار