قالك واحد بطنه كبيرة ساقها برخصة درجة ثانية

قالك ابلة اتقري في فصل ,,امشي يوم قاتلهم غضوة كل واحد ايجبلي حيـوان ,, اي حيـوان ثاني يــوم واحد جــاب جده ,, قتله وين الحيـوان يا فرج ,, قلها اهو ,,جدي اكبر تمساح في الشارع

في دكان ايبيع في السلع المحلية بالدركة ,, المهم مرة جيت ازمة طمام
في البلاد ,, الدكان ازحم زحمة صح ,, و حاط الطمام فوق في اخر رف و
السقف عالي ,, اتشحوير ,, الهم جي الاول قاله اعطيني حكة طمام ,, جابله
و انزل ,, الي بعده قاله اعطيني حكة طمام ,, اركب جاب و انزل ,, الي
بعده نبي حكة طمام ,, صاحب الدكان قاللهم علاش اتشحوير ماهو قولو مع
بعضكم و اني فوق ,, اركب امش قال للرابع شنو حتى انت تبي حكة طمام ,,
امشي انزل .. قاله املا انت شنو تبي ,,
قاله الرابع اني نبي حكتين مش حكة وحدة

واحد مشي يزور في خالته خضرا لقاها يابسة.

فروج(ديك) قال للدجاجه انتي شنو تستفيدي من جيبان البيض والناس ياكلوا فيه قالت والله انا احسن من اللي يأذن وما يصليش

غبي أنقذ واحد غارق.. عطوه وسام شجاعة وقالوله: بس للأسف الراجل انتحر شنقا.. رد الغبي: لا إنا علقته باش ايجف.

واحد طاح من السلوم مشي يعاين اعطوه بماطة(مرهم) قالوله ادهن مكان الاصابة روح دهن السلوم

مره زقرلوا(صرصور) ميت على روحه من الضحك أعلاش؟؟ اللي ايلحق فيه بشبشب أحول

غبي وقفه المدرس وقاله اكتب رقم 11… كتب واحد…وسأل المدرس الواحدالثاني على اليمين والا على اليسار؟

واحد بطنه توجع فيه مشي لدكتور باكستاني سأله الدكتور : لاباس عليك ..
ردعليه : والله يا دكتور واكل هندي(يعنى تين شوكى) .. الدكتور سيبه وهرب

واحد اعمى ماشي للعرس ارفع مع ولده قاله كان الجماعة يأكلو بسرعة
انخصني باش الحقو معاهم,, امشي الاعمي عكس مع جماعة بدالي و هابي ,,
اقعد ياكل بسرعة الولد اتحشم ابدي ينخص في بوه ,, و الشيابني طايح ليه
ليه و الولد بنخص,, امشي الشايبني لوح الكاشيك
و قام الصونية ,, قاللهم تي غيـــر صلو على النبي يا جماعة بشوية

في مراءة ديما اتعيط على راجلها .. في حوش بوي ديما نمشي للسوق في
حوش بوي ديما نشري في حوايج ,, شاديتله 24 ساعة حوش بوي ,,, حوش بوي,,
اتكنطى منها ,, قاللها و النبي هيا بدلي حوايجــك ,, قتله وين
للســوق ,, قاللها لالا ,, لي حوش بــوك

الطفلة تسأل أمها: ماما .. علاش العروسة تلبس قفطان أبيض في العرس؟ ..
الأم: لأنها خاشة على دنيا جديدة كلها بيضاء .. الطفلة: أها .. وأني نقول علاش
العريس يلبس في بدلة سوداء؟

في واحد ترهوني امشي لي طرابلي القي خلاط امتع عصير قامه و اقعد يفحص
فيه ما يعرفاش شنو هوا قال و الله لما نشري واحد و اروح بيه... المهم روح
بيه للبلاد ,, جابه للجماعة حطوه في النص ,, و دارو عليه دورة ,, و
يفكرو فيه شنو هوا,, بعد سعتين و الا ثلاث ناض اذكى واحد فيهم على
اساس ,, قاللهم و ربي الكعبة ما يطلع الا غسالة شخاشير

مره بخيل وولده وقفوا تاكسي.قاله:كم ترفعنا للحوش قال السواق:3 دينار البخيل قال: ولدي..قاله السواق بلبلاش قاله البخيل خلاص ارفع ولدي بس

في واحد عنده دجاج ما ايدحيش بكل ,, جاهم يوم متكنطي قال غضوة الي
ما نلقهاش امدحية على اقل خمسة دحيات بندبحها ,, اليوم التاني جي شاف
الاولى القي تحتها ستة شاف الثانية الي تحتها سبعة شاف الثالثة الي
تحتها وحدة ,, كيف جاب الموس بي ايجر عليها ابدت اتصيح اتقوله,,, اني
سردوووووك سردووووك (ديــك) مش دجاجة

مرة واحد قال لصاحبه انا كنت جالس في البلكونة طاحت اعليا بحلوحه .. قال: صاحبه شن معنى البلكونه

مرة واحد توأم شاف اخوه، قال له انت فين من الصبح مش بالدار يخرب شكلك، امي خلتني اتحمم مرتين!!!

في شيخ يبي يتزوج سئلوه:قالوله كيف تبي مرتك..قاللهم نبيها والعياد بالله مثل .. أليسا

وحدة يابانية مشت للعمل و خلت ولدها عند جارتها الليبية مشي الولد قعد ايعيط ما عرفتكش كيف اتسكته قالتله( داوو - سونى - جي في سي ) امك عدت توا تجي

· مرة واحد بيدير ريجيم وصاه الدكتور يمشي لمدة 15 اليوم على رجليه بعد اسبوعين اتصل بالدكتور قاله انا على حدود السعودية انكمل ولا انروح

واحد يبي يتزوج قال لامه نبيها بيضة وطويلة وتخدم جابتله ثلاجة

مرة فيه شاب مرخي يسوق في سيارة وطلع في الأحمر .. لحق عليه الشرطي
بالموطو وقال له بعصبية : ليش طلعت في الأحمر؟ رد الشاب بخوف : والله انا لما
طلعت ما كانش أحمر هلبة .. يعني تقدر تقول نص نص.

في واحد خاطم و عنده حمار ماشي بيه ,, القاه صاحبه ,, اقعد يتسهوك
عليه ,, قاله تعرف يا راس و الله اعرفت حمار و انت ما اعرفتكش.... قاله
عادي ,, الحميـــــر تعرف بعضها

ابلة سألت طالب قالت له ,, عندك 5 دينار و اخد منك خوك دينارين و
نص ,,, قداش يقعد عندك,,, قاللها ما يقعد عندي شي ,, قتله كيف
قاللها و الله ما يقعد عندي حاجة ,, قتلها توا بتعرف الحساب احسن مني
قاللها توا انتي بتعرفي خوي احسن مني ,,

قمة الوفاء: نملة تزوجت فيل ولما مات قعدت طول عمرها تدفن فيه