واحد بيقول لخطيبته: انا مش غني ولا عندي مرسيدس ولا مزرعه زى عاطف بس انا نموت فيكي.خطيبته بتجاوبه: وانا زيك نحبك ونموت فيك ياروحي بس احكيلي اكتر عن عاطف

التلميذ قال لابلته نحبك يا أبلة ونبي نتزوجك!!!!!!!تزرطت (أحرجت) الابلة وقالته: انا ما نحبش الأولاد الصغار!!!!! قاللها عادي حتى انا مش مستعجل على الصغار

الزبون للبائع : عندك سلاطة خضرا ؟ .. البائع : للأسف ما عنديش !! .. الزبون : باهي شوفلي أي لون تاني.

واحد أعمى اتبرعتله مرته.. بوحدة من عيونه أول مافتح عينه القي مرته.. عورة طلقها

في مراءة ديما اتعيط على راجلها .. في حوش بوي ديما نمشي للسوق في
حوش بوي ديما نشري في حوايج ,, شاديتله 24 ساعة حوش بوي ,,, حوش بوي,,
اتكنطى منها ,, قاللها و النبي هيا بدلي حوايجــك ,, قتله وين
للســوق ,, قاللها لالا ,, لي حوش بــوك

مرة واحد سئله صاحبة قاله شن رائيك في السعادة ؟ قاله أحسن جلاطي في ليبيا

في فصل كله حمير و اغبياء ,, امشي قالت الابلة من ايقولي جملـــة
اسمية,,,ناض الفلتة فيهم على اساس
قال لها ( البـــكندا يشرب الشاي) قال له شاطر قمعز
امشي قالت من ايقول جملة تانية ناض نفس الطالب
قال لها: البـــكندا يشرب الشاي ) ,, قالت تي مش قلتها توا هادي
قاللها لالا هادي الطاسة الثــانيــة

في واحد عنده دجاج ما ايدحيش بكل ,, جاهم يوم متكنطي قال غضوة الي
ما نلقهاش امدحية على اقل خمسة دحيات بندبحها ,, اليوم التاني جي شاف
الاولى القي تحتها ستة شاف الثانية الي تحتها سبعة شاف الثالثة الي
تحتها وحدة ,, كيف جاب الموس بي ايجر عليها ابدت اتصيح اتقوله,,, اني
سردوووووك سردووووك (ديــك) مش دجاجة

مراة كبيره في سن.. خشت لمحو الأمية ..في الامتحان قالتلها الأبلة ..أعطينا جمله فيها إدغام بغنه قالتله ..عمية تعميك

في شيباني ليبي امشي من سيربح المليــون امش سأله جورج قرداحي قاله من جاي معاك الشيباني قاله أمـــي امشي جورج قرداحي قاله عنــجد أمـــك,يعني بجديات.قاله الشيباني عنجـــد بـــــوك

مرة واحد إمشي بيخطب .. امشي جابتلة البنت طاسة شاهي كيس امشي قام الورقة امتع شاهي الكيس .. وقلها شني ابنبدوا في جو السحر من توى

واحد رجباني القي بــراد شاهي.. حكــــه اطلعله مارد قاله اطلب شنو
تبي ..قاله نبي تبنيلي كوبري من الرجبان لي امريكا ,,, قاله لالا يا راجل
اطلب حاجة ساهلة شوية ,, تي شنو كوبري من الرجبان لي امريكا,,, قاله
باهي نبي ليـــبيــا تربـــــح البرازيــــل,,,, قاله المارد ما قوتليش
تبي الكوبري ــــ مشي و جي و الا مشي بس

في بو بريس خاطم القي فهد ابدي ايسب فيه .. قال له الفهد تي برا يا
بوريس اعقابها حتى انت ,, امشي قاله كانك راجل تعال وراء الشجرة ,,
امشي شده طاق طيق اطلع الفهد من غير عيون,, شافه النمر قاله خيرك ,,
قاله بوبريس دارلي هكي ,, قاله بوبريس تي وينه ,, جي البوبريس للنمر
قاله كانك راجل حتى انت اطلع وراء الشجرة ,, اعلق عليه وراء الشجرة طاق
طيق ,, اطلع النمر حاله ,, شافهم الاسد قاللهم تي خيركم,, قالوله
بوبريس ,, قاللهم بوبريس دار فيكم هكي تي وينه,, جاه البوبريس قاله حتى
انت يا اسد كانك راجل اطلع وراء الشجرة
جاه وراء الشجرة ,, امشي البوبريس ايقول للتمساح الي وراء الشجرة حتى
هدا يا ولد عمي حتى هدا معاهم

قالك في عيد الاضحى ,, واحد عنده ولد سحنــون ,, امشي الراجل ادبح الخروف و قال للولد هي زود انفخها ,, قالك كيف يا بوي ,, قاله انخفها زي الناس ,, امشي الولد ابدي ينفخ في الخـروف ,, ايقوله ,,ايوة انت يا خروف ,, الي عندك قرون ,, انت يا خروف يا زعيم يا الي عندك هلبة صــوف ,, على اساس ينفخ فيـه

واحد كان يلبس رقم 40 في حذاءه ثم أصبح يلبس بعد 5 دقائق 36 اعلاش؟ قصّ أظافره

مره الام قالت لولدها ايصلحلها الكرسي وقالتله:ياولدي رد بالك من القدومه خير ما ضرك.. فقاللها:ماتخافيش ياامي على خاطر اختي هي الي اتشد في المسامير

بخيل اتصل بزوجته وسألها : شن الغداء ؟قالتله: زيت وزعتر .. تعفلق وقال لها: اعلاش طيبتي مرتين ؟

فيه كسلان حكموا اعليه بالإاعدام بدفنه في حفره قالوله شن تبي قبل ماتموت قال نبي نشرب امايه قالوله نوض اشرب قاللهم مازال تبوني انوض تاردم ياراجل

فى اتنين اغبياء يتعاندو على حاجة فى السماء واحد ايقول شمس وتانى يقول قمر المهم فات من جنبهم غبي تانى قلولها شن هذا شمس وإلا قمر قاللهم مانسكنش هنى

واحد بخيل سألوه اذا جي الجو برد شن أدير,قال نقرب شوي لدفايه وسألوه إذا جي الجو أبرد شوية شن ادير قال نقرب اكثر على دفايه فسألوه إذا جي الجو بارد هلباهلبا شن ادير قال وقتها نشغل الدفايه

واحد قال لمرته اليوم نبي رومانسية ..امشيت لامها قالتلها:شن هيا الرومانسية الام:مش عارفه بس نقعي الرز على الاحتياط

في جامعة وفد من سوريا جاية طرابلس ,,, امشي وحدة من سوريا بتتعرف
على ليبي من طرابلس
قالت : انا ســـورية من حــــلب
قاللها : انـــا سروال من جـــــامع الصقع

مرة واحد واقف على كبري المشاة ايقول تلاته وتلاتين تلاته وتلاتين فواحد ماشي قاله علاش هكي اتقول امشي حدفه وقال اربعة وتلاتين اربعة وتلاتين

سكــرا صلى بروحه فاتته ركــــــعة

واحد طاح من فوق الحيط قالوله جاتك سليمة قاللهم قوللها اتخش
المربوعة توا انجي