واحد يبي يتزوج قال لامه نبيها بيضة وطويلة وتخدم جابتله ثلاجة

واحد يحلق لحيته ! شرين (دق الجرس) الباب جرح روحه بالشفره..علالالالالاش ؟ باش يعرف وين وصل بالحلاقه

بينما كان مراقب القاعة الامتحانات يقف في آخر الصف.. لاحظ أن أحد الطلاب يغش في الامتحان.. فتقدم منه وقال له: من غشنا فليس منا.. فأجابه الطالب: من راقب الناس مات هماً.

مرة واحد قالوله البحر غدار عدى وشال معه مسدس

واحد قال لمرته اليوم نبي رومانسية ..امشيت لامها قالتلها:شن هيا الرومانسية الام:مش عارفه بس نقعي الرز على الاحتياط

سكران خاطم من قدام عزاء .. حالة وفاء يعني قال الي اهل الميت ما فيش
امل يرجـــع

واحد تعرف على بنت قاللها شنى اسمك قتله -وعد- قاللها والله مانى مقايل لواحد

مرة فى واحد نوضه الأستاد قاله شن إسمك قاله المبرى على المبرى قاله قول مبرى من الجهتين وخلاص

بخيل اتصل بزوجته وسألها : شن الغداء ؟قالتله: زيت وزعتر .. تعفلق وقال لها: اعلاش طيبتي مرتين ؟

مرة ولد ايكلم في بوه: يابوي الرخصة انتهت… قال: هذا من كثرت الدوران في الشوارع

في رجباني و يباني تعاركو ,, امشي اليباني اضرب الرجباني
ارقد في المستشفى ثلاث ايام بعدها جاه قاله شنو الحركة هادي
قاله اليباني حتى تيكواندو,,, المهم امشي الرجباني اتمرن و جي
اتعاركو مرة تانية ,, اليباني اضرب الرجباني ارقد في المستشفى ثلاث
ايام ,, بعدها جاه قاله شنو الحركة الجديدة ,, قاله اليباني حتى هيا
كاراتي ,, امشي اتمرن الرجباني و جي .. اتعاركو مرة ثالثة,, الرجباني
اضرب اليباني رقده في العناية ثلاث شهور .. بعدها جي اليباني قاله ما
اتقوليش شنو الضربة هادي... قاله هادي لا تيكواندو لا كاراتي ,, حتى هوا
كـــريك هونداي

الزبون للبائع : عندك سلاطة خضرا ؟ .. البائع : للأسف ما عنديش !! .. الزبون : باهي شوفلي أي لون تاني.

قالك مرة فى ثلاتة أغبياء يلعبو فى السريع اللى تضربه سيارة مرتين يطلع

سأل المعلم تلاميذه: ما هي أخوات ان؟ فأجاب احدالتلاميذ :إن وأن ولعل وليت وكيت. فقال المعلم مستغربا: ومن أين كيت هذه؟ فاجاب التلميذ: من اخوات ان ولكن من أم أخرى.

مره زقرلوا(صرصور) ميت على روحه من الضحك أعلاش؟؟ اللي ايلحق فيه بشبشب أحول

في غبي.. انسي مفتاح سيارته إلداخل. فتحوها بعلا قه ملابس امشي دار نسخه للعلاقه

مرة فيه شاب مرخي يسوق في سيارة وطلع في الأحمر .. لحق عليه الشرطي
بالموطو وقال له بعصبية : ليش طلعت في الأحمر؟ رد الشاب بخوف : والله انا لما
طلعت ما كانش أحمر هلبة .. يعني تقدر تقول نص نص.

قالك في زوز رجبان امعكسين تحت ناطحة سحاب ايشوفو في حاجة نازلة من
فـــــوق الجماعة مدت ايديها بي تتلقى ،، يحسابوه شنطة و الا تيزتان...
طاح عليهم دولاب امهني

في مصري امشي للجزار قاله اعطيني لحمة بجنيـــه قاله الجزار هاك الحس
الشيـــــتة

مرة واحد سئله صاحبة قاله شن رائيك في السعادة ؟ قاله أحسن جلاطي في ليبيا

خانب خش لحوش ولما بدا يخنب فاق بيه مولى الحوش ومرته .. الخانب جبد
عليهم موس ورسم على الأرض زوز دوائر وقال للزوج: اوقف في وحدة من الدوائر. وقال للزوجة: اوقفي في الدائرة الثانية .. واحد منكم يطلع رجله من الدورة نقتله!! .. وتلفت للجهة الثانية وبدا يخنب .. الزوجة تكلم في الزوج وتقول له : اهو متلفت للجهة الثانية دير حل واهجم عليه وشده .. والزوج يضحك .. ولما يئست منه قالت له : ماتقولليش خيرك تضحك؟ .. الزوج : اسكتي .. من أمبكري نطلع في رجلي منالدورة وهوا مش زابطني

مره غبيه لقت في بطاقة راجلها مكتوب (رجل أعمال) مسحتها وكتبت راجل خيريه

مرة واحد إمشي بيخطب .. امشي جابتلة البنت طاسة شاهي كيس امشي قام الورقة امتع شاهي الكيس .. وقلها شني ابنبدوا في جو السحر من توى

فيه كسلان حكموا اعليه بالإاعدام بدفنه في حفره قالوله شن تبي قبل ماتموت قال نبي نشرب امايه قالوله نوض اشرب قاللهم مازال تبوني انوض تاردم ياراجل

في واحد رجباني ــ ما نبوش انقولو ترهوني باش خوتنا التراهنة ما
يزعلوش ــ المهم في واحد رجباني ماشي ايهيج في طرابلس امشي طاح تيزتانه
يعني محفضة,,, امشي للمركز قاللهم راح تيزتاني فيه 1000 دينار,,, امشي
اعطوه الف دينار تعويض ,, روح لصاحبه قاله اضحكت عليهم قلتلهم ديزتاني
فيه الف دينار و راح اعطوني الف دينار
امشي صاحبـــه للمركز قاللهم تيز تاني راح معاش القيته,,,, قالولــه
شنو كان فيه ,,, قاللـــهم ــــ حــوازة و حــــوش على دورين