قالك مرة فى زوز مساطيل شبحو ارنب , الاول قاله الارنب هدا ذكر والا ا نتايا .. رد عليه التاني كان جرى ذكر وكان جرت ا نتايا

فى اتنين اغبياء يتعاندو على حاجة فى السماء واحد ايقول شمس وتانى يقول قمر المهم فات من جنبهم غبي تانى قلولها شن هذا شمس وإلا قمر قاللهم مانسكنش هنى

غبي امشي لدكتــور نفسي ,, قاله الدكتور خيرك ,, قاله و الله مش عارف يا دكتور الناس ديما ايقوللي يا كلب ,, يا كلب ,, قاله الدكتــور من امتى الكلام هذا ,, قاله من لما كنت جرو

وحده تكره راجلها في الدم دارت بازين (أكلة ليبية) وغنت ارفس ارفس يا حميده انشاء الله الليله اخر ليله

في طالب روح لي بوه ناتشه الاستاد من ودنه امشي جي ولئ امر الطالب ,,
قال للاستاد خيره ولدي,,, قاله يتسهوك ,, انقوله ارسم منضر طبيعي ايقولي
تبيه غروب و الا شروق في شجر و الا ازهار كبار و الا صغار,, امشي الراجل
قاله لالا يا استاد ولدي شاطر امورقله،،، الاستاد قال لي الراجل تعال اوقف
بحدا الباب و خنس لي ولدك,, امشي الاستاد نوض الولد و بوه لابد بحدا
الباب ,, قاله ارسم منضر طبيعي ,, قاله الولد كيف يا استاد غروب و الا
شروق سيف و الا شتاء ربيع و الا خريف ,, امشي بوه اتكنطي خش للاستاد قاله
و النبي تنتــشه و الا ننــتشه اني

واحد عنده عرس على أساس بيديروا جو خش الخال في الزحمة وضرب طلقة بالمسدس وبعدين خش العم وضرب طلقتين بكلاشن وختمهاالبو خش وحدف رمانة

جمل في عرسه عزم الحيوانات كلهم ماعدا البقرة خايف من جنون البقر ..جاته البقرة في العرس ويغني وتـقــــــــــــــــــــــول: حتي كان الجنون ضربنا في عــرس جمولا ما غبنا

في غبي.. انسي مفتاح سيارته إلداخل. فتحوها بعلا قه ملابس امشي دار نسخه للعلاقه

واحد قال لي بوه أعطيني خمسة دينار بأنديــر دورة ,,,, قالــه: خوذ.. دينارين و وقص قصــان

غبي خش إيعزي أهل المتوفى وقاللهم الانسان زي البني ادم اذا توفى مات .

قالك في اسـد جي قدام حمــار ,, و يمـنع ,, الحمـار شافـه ,, استغرب ,, المهم الاسد يوقف شوية ,, ايشوف الحمار اشبحله ,, يمنع ,, الحمار استغرب و ايشدها في جـرته و الاسد يجـري و الحمـار في جــرته ,, لين وصلو لي مغــارة الاسد ,, شن طلع ,, قالك الاسـودة يلعبـوا حصـلة في الري من يجيب حمــــار حي

ابلة سألت طالب قالت له ,, عندك 5 دينار و اخد منك خوك دينارين و
نص ,,, قداش يقعد عندك,,, قاللها ما يقعد عندي شي ,, قتله كيف
قاللها و الله ما يقعد عندي حاجة ,, قتلها توا بتعرف الحساب احسن مني
قاللها توا انتي بتعرفي خوي احسن مني ,,

واحد طاح من السلوم مشي يعاين اعطوه بماطة(مرهم) قالوله ادهن مكان الاصابة روح دهن السلوم

مرة كلب ينبح جاه انهيار عصبي اعلاش .. ينبح على واحد مايسمعش هههه

واحد رجباني القي بــراد شاهي.. حكــــه اطلعله مارد قاله اطلب شنو
تبي ..قاله نبي تبنيلي كوبري من الرجبان لي امريكا ,,, قاله لالا يا راجل
اطلب حاجة ساهلة شوية ,, تي شنو كوبري من الرجبان لي امريكا,,, قاله
باهي نبي ليـــبيــا تربـــــح البرازيــــل,,,, قاله المارد ما قوتليش
تبي الكوبري ــــ مشي و جي و الا مشي بس

مره زقرلوا(صرصور) ميت على روحه من الضحك أعلاش؟؟ اللي ايلحق فيه بشبشب أحول

واحد تعرف على بنت قاللها شنى اسمك قتله -وعد- قاللها والله مانى مقايل لواحد

واحد بيقول لخطيبته: انا مش غني ولا عندي مرسيدس ولا مزرعه زى عاطف بس انا نموت فيكي.خطيبته بتجاوبه: وانا زيك نحبك ونموت فيك ياروحي بس احكيلي اكتر عن عاطف

سأل المعلم تلاميذه: ما هي أخوات ان؟ فأجاب احدالتلاميذ :إن وأن ولعل وليت وكيت. فقال المعلم مستغربا: ومن أين كيت هذه؟ فاجاب التلميذ: من اخوات ان ولكن من أم أخرى.

واحد عنده دجاج خاطم بيه من الرجبان لي طرابلس و هوا ماشي وقفوه
البوابة الاولى ,,, شنو عندك ,, قاللهم عندي دجاج ,, شنو اتوكل فيه
قاللهم شعير ,, قالوله يا حمار اتوكل في الدجاج الشعير و الناس مش لاقية
تاكل ,, اعطوه طريحة اقريب قتلوه,, جي من البوابة الثانية
شنو عندك ,, عندي دجاج ,, شنو اتوكل فيهم .. قاللهم كناسة ,, قالوله
اتوكل في الدجاج الكناسة بعدين اتبيع فيه للناس ,, اعطوه طريحة ,,,
جي للبوابة الثالثة , قالولـه شنو عندك ,,, قال دجاج , قالوله شنو
اتوكل فيه ,, قاللهم من الاخير نعطي فيه في مصرو ف و يمشي يشري بروحه

في رجباني و يباني تعاركو ,, امشي اليباني اضرب الرجباني
ارقد في المستشفى ثلاث ايام بعدها جاه قاله شنو الحركة هادي
قاله اليباني حتى تيكواندو,,, المهم امشي الرجباني اتمرن و جي
اتعاركو مرة تانية ,, اليباني اضرب الرجباني ارقد في المستشفى ثلاث
ايام ,, بعدها جاه قاله شنو الحركة الجديدة ,, قاله اليباني حتى هيا
كاراتي ,, امشي اتمرن الرجباني و جي .. اتعاركو مرة ثالثة,, الرجباني
اضرب اليباني رقده في العناية ثلاث شهور .. بعدها جي اليباني قاله ما
اتقوليش شنو الضربة هادي... قاله هادي لا تيكواندو لا كاراتي ,, حتى هوا
كـــريك هونداي

واحد بخيل سألوه اذا جي الجو برد شن أدير,قال نقرب شوي لدفايه وسألوه إذا جي الجو أبرد شوية شن ادير قال نقرب اكثر على دفايه فسألوه إذا جي الجو بارد هلباهلبا شن ادير قال وقتها نشغل الدفايه

واحد خاطم من الشارع يسمع في التخبيط طاق طيق اوصل لي راس الشارع
القي الجماعة بلعبو في كارطة بالزينــقوات

واحد يبي يتزوج قال لامه نبيها بيضة وطويلة وتخدم جابتله ثلاجة

مره واحد سئلوه شن تعريف الزوجة: هى غلطه،ورطه وطول العمر ربطه يا تصيب يا تخيب يا تجيب جلطه