مره واحد معاه فيات قديمه ماشى بيها على الصحراوى عطلت منه,
فقام شاور لعربيه على الطريق طلع صاحبها واد روش معاه مرسيدس
فقام قاله: بص يا عمو أنا هجرك لحد الرست, و بعدين صلح عربيتك! بس لو لقيتنى سرعت رعشلى نور.
ربطوا العربيه وطلعوا, قامت عربيه بى ام عدت صاروخ من جنبهم, راح الواد بتاع المرسيدس فاتح وراه! وبتاع الفيات شغال يرعش نور للمرسيدس ولا هو هنا!
فالرادار صورهم ، ظابط المرور راح متصل بالكمين وقال لهم: هتعدى عليكوا عربيتين واحده مرسيدس! و بى ام! سيبوهم!!! و هاتوا الكلب بتاع الفيات اللى بيرعشلهم وعايز يعدى منهم

عماد

في خروف عليه خط أحمر لييييييييييييييييييييييييييييييه ؟قليل الدسم

oo

واحد انجليزي وواحد فرنساوي وواحد صيني راحوا يجربوا صدى الصوت
الانجليزي قال هاللو فرد عليه صدى الصوت و قال: هالوووو هالوووو هالوووو
الفرنساوى قال بنجور رد عليه صدى الصوت و قال: بنجوووور بنجوووور بنجوووور
الصينى قال شونجا كونجا هونجاهى فرد عليه صدى الصوت و قال: ايييييييه ايييييييه ايييييييه

واحد الدغ فى حرف الـ (ر) وبيتكسف جدا لما يشترى شاورمة يقول للراجل هاتلى شويمة فبيقوله هاتلى واحد كفته وخلاص وهو زعلان جدا .. طلعله عفريت قاله تطلب ايه ؟ قاله نفسى اقول شاورمة صح ... قاله خلاص قولها بكرة بس هتكون مرة واحده بس .. راح المحل وبيقول للراجل بكل عنطزة بقى هاتلى واحد شــاورمة .. قاله ايه ؟؟؟ قاله هات واحد كفتة الله يحرقك

صعيدى فى الجيش واقف تشريفة و فيه ضيف كبير جاى يزور الوحدة فالقائد بيديلهم التعليمات الأخيرة
القائد : أول الضيف ما يدخل تضربوا 21 طلقة تحية للضيف
الصعيدى : و لو الضيف مات من أول طلقة نكمل برضه ؟؟!!

من طرائف الشيخ كشك رحمه الله :

لما كان يصلى كان يقول للناس الصف الثانى والثالث والرابع والخامس يستقيموا فسألوه والصف الاول يا مولانا ؟ !!

قالهم لأ دول مخبرين وأمن دولة جايين يتجسسوا علينا يستقيموا او لا يستقيموا مش هينفعلهم صلاة

المثل الصيني : لا تعطيني سمكة ولكن علمني كيف اصطاد

النسخة المصرية المترجمة لنفس المثل بالظبط
.
.
... .
.
.
.
.
.
لا تعطيني سمكة .. ولكن خليهم 2 كيلو عشان العيال وامهم و ماتنساش علبتين رز بقى

و العيش والطحينة .. واتوصى و حياة والدك

صعيدي دخل مسابقة من يكسب المليون سئله جورج قرداحي سؤال كان صعب شويه قام قاله ممكن اتصل بصديق اتصل بصحبه وقاله ياحسنين ايه رايك احسن احزف اجابتين ولا اخد رأي الجمهور

مره واحد أسكندرانى ماشى على البحر لقى جماعة صعايده بيهتفوا ،هريدى يابطل** هريدى يا بطل، ولما سأل عن السبب أجابوا: أحسن واحد عندكم يقدر يغطس قد أيه، فقالهم: حوالى ثلاث دقائق، فقالوا هريدى غطس من ثلاث أيام و لسه مطلعش

صعيدي واقف مع دوده في الشمس ليه؟؟؟؟الطبيب قال له اعد في الشمس دقائق معدوده

بيقولك فيه واحد بلدياتنا اشترك بمسابقة من سيربح المليون وكان السؤال الثاني:
عصفور باليد ولا عشرة على..........

أ) الشجرة ب) البقرة

ج) الصفراء د) الحمراء


فقال لجورج قرداحي من أولها صعبة . ما نسأل الجمهور،
فكان جواب الجمهور 100% الجواب الأول الشجرة،
فقال لجورج مش دايماً الجمهور على حق،نحذف إجابتين. حذفله إجابتين فبقي الجواب الأول الشجرة
والجواب الثاني البقرة.
فقال لجورج يااااادي المصيبة بقى الجوابين الشاكك فيهم .
طب نتصل بصديقي ( هريدي ) فأتصل بهريدي ( إزيك يا أبو صميده كيف أخبارك ، أم صميده إزيها والعيال --)
راحت الثلاثين ثانية وملحق يسأله السؤال.
فسأله جورج قرداحي وهلا شو بدك تسوي
فجاوب راح أنسحب ياعم و آخد ال 200 ريال بتاعت السؤال الأول والمثل بيقول:

عصفور باليد ولا عشرة على الشجرة

ظلمتني بكلمتك وأنا مظلوم
وصدقني من غيرك أنا مهموم

واحد صعيدي سمع عن الموبايل قال لأبوه عايزك تشتريلي موبايل يابوي..
أشتريلك بشرط .. انك تركب اخواتك معاك !!!

صعيدي مع زوجته على خط الجبهه . جاء صاروخ من فوقهم الصعيدي صرخ في زوجته : يا وليه أنبطحي . ردت الزوجه : وهذا وقته ياحسنين.

يحكى أن ملكاً أتى بفيل إلى مدينته، فكان هذا الفيل يضايق سكان المدينة فقام رجل من الرعية وقال:"يجب أن نتظاهر حتى يخرج الفيل من مدينتا ولا يؤذينا"، وبالفعل تجمع عدد كبير جداً من سكان المدينة استنكارا لوضع الفيل وأظهروا الشعارات المعادية للفيل: "لا للفيل، لا للفيل"، وكان هذا الرجل الثائر في المقدمة. لما اقتربوا من قصر الملك خرج إليه الملك غاضباً قائلاً:"ماذا تريد؟"، فنظر الرجل خلفه فلم يجد إلا عددا بسيطا جداً من سكان المدينة، فقال: "الفيل سعادة الملك"، قال الملك: "ما به؟"، قال: "نريد أن نزوجه بفيلة".

سأل الاستاذ الطالب: ما هو الشي الذي لونه اسود و اصفر و ينزل عسل؟؟
اجاب الطالب أتوبيس مدرسة البنات

ثلاثة حكموا عليهم بالإعدام معاهم واحد صعيدي ، قالوا للأول عايز المنشار الكهربائي أو شنق ، قال: المنشار الكهربائي ، جابوه عند المنشار الكهربائي مشتغلش ، قالوا : حظك روح وأطلقوا سراحه ، جابوا الثاني قالوا : المنشار الكهربائي أو الشنق ، قال : المنشار الكهربائي ، جابوه عند المنشار الكهربائي برضو مشتغلش ، قالوا : حظلك روح وأطلقوا سراحه جابوا الصعيدي ، قالوا : المنشار الكهربائي أو الشنق، قال : شنق والناس وأقربائه يذعقو : المنشار ، المنشار ، المنشار قالهم بايظ مايشتغلش

محشش اشتري شريط تامر .. وطلع الشريط بايظ ..
حطو في الكاسيت وشوية الاغنية إبتدت تقطع! اتغاظ المحشش وراح باصص للكاسيت وقال: تامر وحياة ابوك لومش حافظ الاغنية خليك ساكت....

مره صرصار طلع من الخلاط قال يخرب بيت إللى يدخل الملاهى تانى

مره واحده بتقول لجوزها “تصدق إن أنا كل يوم بحلم بيوم جوازنا” قالها “هى لسه الكوابيس دي بتجيلك

الموساد قرر أنه يشغل جاسوس صعيدى عنده بعد طول بحث أستقروا على هريدى
راحوا لهريدى و أخدوه تل أبيب و قعدوا يدربوه 6 شهور و بعدها قالو ليه أنه
كدة جاهز للمهمة بتاعته
هريدى : يعنى حارجع مصر
مدرب الموساد : أيوة .. تروح و تنفذ كل التعليمات اللى قلنالك عليها
هريدى : طب ازاى حاتصل بيكم
مدرب الموساد : لا لا .. انت ماتتصلش .. احنا لما نحب نتصل بيك حانبعتلك مندوب
يقوللك ازايك و ازاى امك .. تعرف أنه تبعنا .. ماشى يا هريدى
هريدى : تحت أمرك يا فندم
و بالفعل رجع هريدى مصر .. و بعد شهرين أحس الموساد انه لازم يتصل بهريدى ..
فراحوا باعتينله مندوب
المندوب لبواب العمارة بتاعت هريدى : هو هريدى ساكن فى أنهى شقة
البواب : أنهى هريدى يا بيه .. العمارة فيها 4 هريدى
المندوب خاف لحسن العملية تنكشف : قولى شقة أى واحد فيهم
البواب : عندك واحد ساكن فى الدور الأول
طلع المندوب و خبط على الشقة اللى فى الدور الأول
المندوب : أنت هريدى .. ازايك و ازاى أمك
هريدى : أنت عايز هريدى الجاسوس .. هو ساكن فى الدور الرابع

صعيدي راح أمريكا لقى الناس لابسين تي شيرتات مكتوب عليها بيبسى و كوكاكولا لما رجع البلد كتب على التي شيرت بتاعه عصير جصب

مرة بنت قاعدة عمالة تضحك
سألوها بتضحكي ليه?
قالت: صاحبتي طلبت مني رقم حبيبي!
قاموا قالولها: طيب وايه الي يضحك في كدة؟
قالتلهم: أعطيتها رقم "أخوها" بقالها 3 ايام بتبعت رسايل حب لأخوها ...