مرة فيه واحد سكر راسه على صوابع خوه

في واحد امشي للعيادة عنده سن فيه سوسة امشي قال لي الدكتور و النبي
نحيهم كلهم و خليه هوا بروحه زي الكــلب

في جامعة وفد من سوريا جاية طرابلس ,,, امشي وحدة من سوريا بتتعرف
على ليبي من طرابلس
قالت : انا ســـورية من حــــلب
قاللها : انـــا سروال من جـــــامع الصقع

واحد رجباني القي بــراد شاهي.. حكــــه اطلعله مارد قاله اطلب شنو
تبي ..قاله نبي تبنيلي كوبري من الرجبان لي امريكا ,,, قاله لالا يا راجل
اطلب حاجة ساهلة شوية ,, تي شنو كوبري من الرجبان لي امريكا,,, قاله
باهي نبي ليـــبيــا تربـــــح البرازيــــل,,,, قاله المارد ما قوتليش
تبي الكوبري ــــ مشي و جي و الا مشي بس

القاضي للمتهم: خلي إجابتك كلها شفوي .. أمتى آخر مرة شفت المجني عليه
المتهم : شفوي !!.

قالك مره لفعه(أفعى) حشاكم عندها ضعف نظر جاها انهيار عصبي صاخت علاااش بعد اربع سنين علاقة حب طلع طوبو اميه

واحد يحلق لحيته ! شرين (دق الجرس) الباب جرح روحه بالشفره..علالالالالاش ؟ باش يعرف وين وصل بالحلاقه

واحد بيقول لخطيبته: انا مش غني ولا عندي مرسيدس ولا مزرعه زى عاطف بس انا نموت فيكي.خطيبته بتجاوبه: وانا زيك نحبك ونموت فيك ياروحي بس احكيلي اكتر عن عاطف

مره زقرلوا(صرصور) ميت على روحه من الضحك أعلاش؟؟ اللي ايلحق فيه بشبشب أحول

فيه واحد رافع بامبلة غاز ومشي ايقول لامه ادعيلي عالصبح..قالتله ان شاء الله ربي يفتحها فى وجهك يا قادر يا كريم

قالك مره فى وحده تنوض فى ولدها قالتله نوض الخدمه قللها خلينى نرقد شويا قالتله نوض يعطيك كيا..قال:ان شاء الله معها موبايل

واحد طاح من السلوم مشي يعاين اعطوه بماطة(مرهم) قالوله ادهن مكان الاصابة روح دهن السلوم

قالك في شيباني عنده سيارة دلاع ,, ماشي في الطريق على ايميـنه ,و و دوره يكسر طول على يساره ,, و يحشـيها السيارة ,,في سيارة شبيب ,, امشي انزل الشبيب قاله ــ تي خيرك يا حويج مش ادير فليتشـا ,, قاله الشيباني مش عارف امها ماشيـة للســوق

وحده تكره راجلها في الدم دارت بازين (أكلة ليبية) وغنت ارفس ارفس يا حميده انشاء الله الليله اخر ليله

في واحد خاطم و عنده حمار ماشي بيه ,, القاه صاحبه ,, اقعد يتسهوك
عليه ,, قاله تعرف يا راس و الله اعرفت حمار و انت ما اعرفتكش.... قاله
عادي ,, الحميـــــر تعرف بعضها

مرة واحد إمشي بيخطب .. امشي جابتلة البنت طاسة شاهي كيس امشي قام الورقة امتع شاهي الكيس .. وقلها شني ابنبدوا في جو السحر من توى

مرة غبي ماشى هو وصاحبته قالتله حى بابا ! قاللها ارزنى توا انقوله اختى !؟

غبي وقفه المدرس وقاله اكتب رقم 11… كتب واحد…وسأل المدرس الواحدالثاني على اليمين والا على اليسار؟

واحد أحول بيزوق حوشهم زوق حوش جارهم .. وجارهم حتى هوا أحول خطم عليه قال له "ربي يعاون والعقبة لينا".

ماتت جارية لرجل ، فلما دفنها قال : لقد كنت تقومين بحقوقي ولم أكافئك .. اشهدوا علي أنها حرة لوجه الله

سكــرا صلى بروحه فاتته ركــــــعة

مره واحد سئلوه شن تعريف الزوجة: هى غلطه،ورطه وطول العمر ربطه يا تصيب يا تخيب يا تجيب جلطه

قالك واحد بطنه كبيرة ساقها برخصة درجة ثانية

غبي امشي لدكتــور نفسي ,, قاله الدكتور خيرك ,, قاله و الله مش عارف يا دكتور الناس ديما ايقوللي يا كلب ,, يا كلب ,, قاله الدكتــور من امتى الكلام هذا ,, قاله من لما كنت جرو

واحد قال لمرته اليوم نبي رومانسية ..امشيت لامها قالتلها:شن هيا الرومانسية الام:مش عارفه بس نقعي الرز على الاحتياط