مراءة ليبية امشت من سيربح المليون امشي علقت في سؤال طلبت استعانة
بصديقة,,اتصل جورج قرداحي :الوو اخت فاطمة ,,معاك جورج قرداحي من
برنامج من سيربح المليون ,,قتله و النبي سكر من غير اتســهويك

واحد طاح من فوق الحيط قالوله جاتك سليمة قاللهم قوللها اتخش
المربوعة توا انجي

مراة كبيره في سن.. خشت لمحو الأمية ..في الامتحان قالتلها الأبلة ..أعطينا جمله فيها إدغام بغنه قالتله ..عمية تعميك

واحد عنده عرس على أساس بيديروا جو خش الخال في الزحمة وضرب طلقة بالمسدس وبعدين خش العم وضرب طلقتين بكلاشن وختمهاالبو خش وحدف رمانة

غبي امشي لدكتــور نفسي ,, قاله الدكتور خيرك ,, قاله و الله مش عارف يا دكتور الناس ديما ايقوللي يا كلب ,, يا كلب ,, قاله الدكتــور من امتى الكلام هذا ,, قاله من لما كنت جرو

واحد ماشي يزور في صاحبه يبي يعزمه على عرسه .. ولما طقطق على الباب
طلعتله بنت وكانت حلوة هلبة .. ولما شافها تلخبط معادش عرف شن يقول .. هو: عبد القاعد قادر ؟ .. هي: للأسف مش موجود .. من نقول له لما يجي؟ .. هو: قولي له حميدة الجاي لا .. حميدة اللي بعده عرس الخميس باش يتفضل.

أعمى أجرى عملية ناجحة لعيونه .. ولما بدي يشوف انشل من الفرحه

المريض لطبيب العيون : فعلاً النظارة فضيعة ارتاح النظر فيها .. فقال الطبيب: وترتاح أكثر لما انديرلك فيها مرشات

أثنين طرش ساكنين مقابلين بعض .. الأول طالع من حوشه وشاد في أيده
بندقية والثاني طالع من حوشه وشاد في أيده بندقية .. الأول: أنتا ماشي تبي
تصطاد؟ .. الثاني: لا .. انا مكسد قلت نطلع نصطاد .. الأول: خسارة .. قبل نحسابك ماشي بتصطاد قلت نتسايرو.

في دكان ايبيع في السلع المحلية بالدركة ,, المهم مرة جيت ازمة طمام
في البلاد ,, الدكان ازحم زحمة صح ,, و حاط الطمام فوق في اخر رف و
السقف عالي ,, اتشحوير ,, الهم جي الاول قاله اعطيني حكة طمام ,, جابله
و انزل ,, الي بعده قاله اعطيني حكة طمام ,, اركب جاب و انزل ,, الي
بعده نبي حكة طمام ,, صاحب الدكان قاللهم علاش اتشحوير ماهو قولو مع
بعضكم و اني فوق ,, اركب امش قال للرابع شنو حتى انت تبي حكة طمام ,,
امشي انزل .. قاله املا انت شنو تبي ,,
قاله الرابع اني نبي حكتين مش حكة وحدة

سأل المعلم تلاميذه: ما هي أخوات ان؟ فأجاب احدالتلاميذ :إن وأن ولعل وليت وكيت. فقال المعلم مستغربا: ومن أين كيت هذه؟ فاجاب التلميذ: من اخوات ان ولكن من أم أخرى.

واحد خواف هلبا طلعله جني في الليل وهو مش حافظ شي من القرأن..قال:طلع البدر علينا

قالك ابلة اتقري في فصل ,,امشي يوم قاتلهم غضوة كل واحد ايجبلي حيـوان ,, اي حيـوان ثاني يــوم واحد جــاب جده ,, قتله وين الحيـوان يا فرج ,, قلها اهو ,,جدي اكبر تمساح في الشارع

واحد يبي يتزوج قال لامه نبيها بيضة وطويلة وتخدم جابتله ثلاجة

مدرس عربي دخل الفصل قال اليوم حصة املاء.يااولاد اكتبوا: ذهب حسام الى المصيف يوم الاربعاء. قال ولد لو سمحت يااستاذالاربعاء همزة على السطر ولا على الألف؟الأستاذ قاله خلاص ياولدي خليها الخميس.

واحد مشترك في من سيربح المليون .. ولما وصل في سؤال صعب طلب يتصل
بصديق .. واعطاهم رقم مرته .. ولما كلماته قال لها : شنو رايك ياحبيبتي نحذف
إجابتين أو ناخذ راي الجمهور؟.

قالك مرة فى ثلاتة أغبياء يلعبو فى السريع اللى تضربه سيارة مرتين يطلع

التلميذ قال لابلته نحبك يا أبلة ونبي نتزوجك!!!!!!!تزرطت (أحرجت) الابلة وقالته: انا ما نحبش الأولاد الصغار!!!!! قاللها عادي حتى انا مش مستعجل على الصغار

ثلاثة حرايمية خشوا لحوازة طلعلهم مولى الحوازة هكي مداير
لبدوا في شكاير خيشة .. مولى الحوازة استغرب شن فيهم الشكاير هذو !!؟
ضرب الشكارة الاولى برجله مشى الخانب قال: بقبقبقبقبوووق ... مولى الحوازة: آآآآه شكارة معبية دجاج
ضرب الشكارة الثانية برجله مشى الخانب قال: باااااااااع .. مولى الحوازة: آآآآه شكارة فيها خروف.
ضرب الشكارة الثالثة ما فيش صوت بكل .. مولى الحوازة استأنس طاح فيها بيديه و رجليه ... طلعله الخانب الثالث تي بطاطا النهار المبارك شن تبيني نقول !!؟

فيه كسلان حكموا اعليه بالإاعدام بدفنه في حفره قالوله شن تبي قبل ماتموت قال نبي نشرب امايه قالوله نوض اشرب قاللهم مازال تبوني انوض تاردم ياراجل

غبي مقعمز تحت الشمس.. ومعه دودة سألوه.. علاش مقعمز مع دودة قال: نصحني الدكتور بالجلوس تحت الشمس دقائق معدودة. (مع دودة)

مرة واحد تعارك مع امه جابلها طانطة(شاحنة) حليب وقاللها هذا الي بيني وبينك

مرة واحد قالوله البحر غدار عدى وشال معه مسدس

فى اتنين اغبياء يتعاندو على حاجة فى السماء واحد ايقول شمس وتانى يقول قمر المهم فات من جنبهم غبي تانى قلولها شن هذا شمس وإلا قمر قاللهم مانسكنش هنى

واحد فضولي قالوله اترك الفضول نعطوك نص عيماره قاللهم النص الاخر لمن