في محشحش كل ما شاف البرق ابتسم ليِش؟؟؟؟يحسب احد يصورة

مرة واحد بيشتكي من الديدان اللي ف بطنه… داخ عند كل الدكاترة… محدش عرف يعالجه… اخر حاجة قالوله فيه شيخ بيشفي من كل الامراض… راحله واشتكي له حالته… قال له… مشكلتك بسيطة جدا… تروح عند محل بيبيع بطيخ… وتشتري بطيخة حمرة وكبيرة… تقطع راسها وتقعد عليها… بيقوم رئيس الديدان بينزل ويلحس منها شوية… ف هيلاقيه…ا حلوة… هيقول للديدان… شباب انزلوا… قام رايح صاحبنا واشتري اكبر بطيخة حمرا وقعد عليها… نزل رئيس الديدان ولحس منها شوية ولقاها حلوة… قال لهم… شباب طلعوها

مكوجي فتح محل فلافل صار يعبي طحينة بتمو ويرش عالسندويش
يعععععععع

صعيدي فتح محل جواهرجى عمل أول يوم ببلاش .

مره واحد معاه فيات قديمه ماشى بيها على الصحراوى عطلت منه,
فقام شاور لعربيه على الطريق طلع صاحبها واد روش معاه مرسيدس
فقام قاله: بص يا عمو أنا هجرك لحد الرست, و بعدين صلح عربيتك! بس لو لقيتنى سرعت رعشلى نور.
ربطوا العربيه وطلعوا, قامت عربيه بى ام عدت صاروخ من جنبهم, راح الواد بتاع المرسيدس فاتح وراه! وبتاع الفيات شغال يرعش نور للمرسيدس ولا هو هنا!
فالرادار صورهم ، ظابط المرور راح متصل بالكمين وقال لهم: هتعدى عليكوا عربيتين واحده مرسيدس! و بى ام! سيبوهم!!! و هاتوا الكلب بتاع الفيات اللى بيرعشلهم وعايز يعدى منهم

صعيدي قالوله بكره عيد الحب
قال : يوووه ايه الورطة دى! وده صلاته ازاي ؟

واحد انجليزي وواحد فرنساوي وواحد صيني راحوا يجربوا صدى الصوت
الانجليزي قال هاللو فرد عليه صدى الصوت و قال: هالوووو هالوووو هالوووو
الفرنساوى قال بنجور رد عليه صدى الصوت و قال: بنجوووور بنجوووور بنجوووور
الصينى قال شونجا كونجا هونجاهى فرد عليه صدى الصوت و قال: ايييييييه ايييييييه ايييييييه

حمار شاف حصان قال اخ لو اني مخلص الثانوية

الأشياء الموجودة في شنط الستات حسب الجنسية:

الفرنسية: مرطب شفايف, كريم يدين, لبان, واقي شمس!
اليابانية: علبة مكياج صارخ, موبيل آخر موديل, مفاتيح سياره!
الامريكية: حزمة دولارات, صاعق كهربائي,عطر مركز
المصريـــــه بقه خد عندكـــ::
اوراق مستشفى
روج مالوش غطاء
اربعه جنيه موصلات
قلم كحل صغير مبري من الجهتين
شريط بنادول فاضل فيه حباية
بقايا كيس شبسى في اخر الشنطة
كيس مناديل قديم ومتبهدل و فيه مندلين
محتويات أخرى مجهولة الهوية..جاري التعرف عليها!

تم طرح مناقصة لصيانة سور البيت الابيض
تقدم 3مقاولين امريكاني و مكسيكي و مصرى للمناقصة
الامريكاني اخد مقاسات السور و تقدم بسعر 900 دولار
سأله مسئول البيت الابيض: ليه 900 دولار
قال : 400 دولار خامات+ 400 دولار عمالة و 100 دولار مكسب
و المكسيكي اخد مقاسات السور و تقدم ب 700 دولار للمناقصة
لما سأله قال: 300 دولار خامات+ 300 دولار عمالة و 100 دولار مكسب
أما المصرى فراح من غير ماياخد أي مقاسات و قال للمسئول: أنا هاخد 2700 دولار في الحوار دة
المسئول رد علية و قالة: ليه يا عم كل ده
رد علية المصرى و قالة: 1000 دولار ليا و 1000 دولار ليك و نجيب المكسيكي يعمل الشغلانة بـ 700

'صعيدي راح المدينة شاف جسور قال : الله يعز الحكومة رفعت الشوارع عن العيال !!!!!!

,واحد احول اشترى رغيف فلافل طعماة للي بحدوا

oo

المثل الصيني : لا تعطيني سمكة ولكن علمني كيف اصطاد

النسخة المصرية المترجمة لنفس المثل بالظبط
.
.
... .
.
.
.
.
.
لا تعطيني سمكة .. ولكن خليهم 2 كيلو عشان العيال وامهم و ماتنساش علبتين رز بقى

و العيش والطحينة .. واتوصى و حياة والدك

ثلاثة حكموا عليهم بالإعدام معاهم واحد صعيدي ، قالوا للأول عايز المنشار الكهربائي أو شنق ، قال: المنشار الكهربائي ، جابوه عند المنشار الكهربائي مشتغلش ، قالوا : حظك روح وأطلقوا سراحه ، جابوا الثاني قالوا : المنشار الكهربائي أو الشنق ، قال : المنشار الكهربائي ، جابوه عند المنشار الكهربائي برضو مشتغلش ، قالوا : حظلك روح وأطلقوا سراحه جابوا الصعيدي ، قالوا : المنشار الكهربائي أو الشنق، قال : شنق والناس وأقربائه يذعقو : المنشار ، المنشار ، المنشار قالهم بايظ مايشتغلش

غبى مسكوه بيزور فلوس بيقول للضابط أموت واعرف عرفتوا أزاي ؟
الضابط قاله يا ابن الجزمة هو في ورقة ب65 جنيه

الولايات المتحدة تقول :

أجرينا 70مليون مكالمة
تجسس على مصر وكانت نتائجها كالتالي:

90% منها: إستنوني أنا نازل حالا،
5% هات معاك عيش ولبن،
2% لما تتفقوا رنولي،
1% شوف لك حل مع عيالك،
1% عاملين غداء إيه النهاردة؟،
1% رن لي رنة وإقفل.
ولغاية النهاردة مش فاهمين يعني إيه رنه و أقفل

صعيدي مع زوجته على خط الجبهه . جاء صاروخ من فوقهم الصعيدي صرخ في زوجته : يا وليه أنبطحي . ردت الزوجه : وهذا وقته ياحسنين.

مرة فار فشار شاف جثة اسد قعد يجر فيها لغاية ما وصلها الغابة المهم الحيوانات كلها قعدت تهتف وتقول عاش الفار ، راح الفار رفس الاسد برجله وهو بيقول انا لما اتعصب ما برحمش

مره واحد أسكندرانى ماشى على البحر لقى جماعة صعايده بيهتفوا ،هريدى يابطل** هريدى يا بطل، ولما سأل عن السبب أجابوا: أحسن واحد عندكم يقدر يغطس قد أيه، فقالهم: حوالى ثلاث دقائق، فقالوا هريدى غطس من ثلاث أيام و لسه مطلعش

توك توك دخل محطة بنزين يمول
لاقى مقطورة بتمول 200 لتر
وميكروباص بيمول 50 لتر

بص للراجل بكسوف وقاله
أمبووو

ندل واقف فى ميكروباص ضحك لبنت ضحكتله غمزلها غمزتله شاورلها تنزل نزلت قعد هو مكانها

الاول للثانى كم انا سعيدا بان اخى بدا المشى منذ اسبوعان الثانى والى اين وصل

بيقولك اوباما اتصل بمبارك وقاله عايزك تبعتلي رجالة من عندك يساعدونى فى الانتخابات الامريكية و بعد يومين اتصل اوباما وقال لحسنى روح يا شيخ منك لله وقفل فى وشه السكة راح حسنى مبارك اتصل بالرجالة بتوعوا وقالهم ايه الاخبار قالولوا مبروك يا ريس انت كسبت الانتخابات الامريكية

اتنين بلدياتنا فكروا يلعبوا شطرنج ... الملك ضرب نفسه بالنار.












'