شخص بارد جداً تزوج مراة بارده جداً جابوا ولد ابرد منهم دار روحه ميت

واحد بطنه توجع فيه مشي لدكتور باكستاني سأله الدكتور : لاباس عليك ..
ردعليه : والله يا دكتور واكل هندي(يعنى تين شوكى) .. الدكتور سيبه وهرب

في طالب روح لي بوه ناتشه الاستاد من ودنه امشي جي ولئ امر الطالب ,,
قال للاستاد خيره ولدي,,, قاله يتسهوك ,, انقوله ارسم منضر طبيعي ايقولي
تبيه غروب و الا شروق في شجر و الا ازهار كبار و الا صغار,, امشي الراجل
قاله لالا يا استاد ولدي شاطر امورقله،،، الاستاد قال لي الراجل تعال اوقف
بحدا الباب و خنس لي ولدك,, امشي الاستاد نوض الولد و بوه لابد بحدا
الباب ,, قاله ارسم منضر طبيعي ,, قاله الولد كيف يا استاد غروب و الا
شروق سيف و الا شتاء ربيع و الا خريف ,, امشي بوه اتكنطي خش للاستاد قاله
و النبي تنتــشه و الا ننــتشه اني

مرة كلب ينبح جاه انهيار عصبي اعلاش .. ينبح على واحد مايسمعش هههه

مرة واحد غبي ماشي في الشارع لقي واحد صاحبه قاله ازيك ياعلي شكلك اتغير خالص.. الثاني رد عليه بس انا مش علي.. الاول قاله وكمان غيرت اسمك!

غبي امشي لدكتــور نفسي ,, قاله الدكتور خيرك ,, قاله و الله مش عارف يا دكتور الناس ديما ايقوللي يا كلب ,, يا كلب ,, قاله الدكتــور من امتى الكلام هذا ,, قاله من لما كنت جرو

في رجباني و يباني تعاركو ,, امشي اليباني اضرب الرجباني
ارقد في المستشفى ثلاث ايام بعدها جاه قاله شنو الحركة هادي
قاله اليباني حتى تيكواندو,,, المهم امشي الرجباني اتمرن و جي
اتعاركو مرة تانية ,, اليباني اضرب الرجباني ارقد في المستشفى ثلاث
ايام ,, بعدها جاه قاله شنو الحركة الجديدة ,, قاله اليباني حتى هيا
كاراتي ,, امشي اتمرن الرجباني و جي .. اتعاركو مرة ثالثة,, الرجباني
اضرب اليباني رقده في العناية ثلاث شهور .. بعدها جي اليباني قاله ما
اتقوليش شنو الضربة هادي... قاله هادي لا تيكواندو لا كاراتي ,, حتى هوا
كـــريك هونداي

واحد مشي يزور في خالته خضرا لقاها يابسة.

واحد رجباني القي بــراد شاهي.. حكــــه اطلعله مارد قاله اطلب شنو
تبي ..قاله نبي تبنيلي كوبري من الرجبان لي امريكا ,,, قاله لالا يا راجل
اطلب حاجة ساهلة شوية ,, تي شنو كوبري من الرجبان لي امريكا,,, قاله
باهي نبي ليـــبيــا تربـــــح البرازيــــل,,,, قاله المارد ما قوتليش
تبي الكوبري ــــ مشي و جي و الا مشي بس

الطفل: بابا علاش أنتا أصلع؟ .. الأب: لأن الصلعة دليل الذكاء يا
حبيبي .. الطفل: توا فهمت علاش ماما شعرها طويل.

قالك في عيد الاضحى ,, واحد عنده ولد سحنــون ,, امشي الراجل ادبح الخروف و قال للولد هي زود انفخها ,, قالك كيف يا بوي ,, قاله انخفها زي الناس ,, امشي الولد ابدي ينفخ في الخـروف ,, ايقوله ,,ايوة انت يا خروف ,, الي عندك قرون ,, انت يا خروف يا زعيم يا الي عندك هلبة صــوف ,, على اساس ينفخ فيـه

التلميذ قال لابلته نحبك يا أبلة ونبي نتزوجك!!!!!!!تزرطت (أحرجت) الابلة وقالته: انا ما نحبش الأولاد الصغار!!!!! قاللها عادي حتى انا مش مستعجل على الصغار

في طالب قالت له الابلة جيب بــوك .. امشي جي بوه قال لي الابلة خيره
ولدي ,, قالت له ولد خروف غبي ما يعرف شي,., قال لها
كيف ولد ذكي ,, قالت نسأله سؤال كان جاوب ولدك ذكي ,, قالت للولد برا
دور عليا لوطى ,, امشي الولد دور دور و ارجع،،ـ قاللها يا ابلة دورت
عليك في المسرح و حجرة المدرسات ما القيتكش ,, اتلفت له بوه و يضربه
كف .. قال له تي برا شوفها في الادارة يا حمــــار

واحد سكران طينة امعكس في الشارع في الليل القي سوادني شاد شكاير
كناسة قاله ربي ايصون

قالك ابلة اتقري في فصل ,,امشي يوم قاتلهم غضوة كل واحد ايجبلي حيـوان ,, اي حيـوان ثاني يــوم واحد جــاب جده ,, قتله وين الحيـوان يا فرج ,, قلها اهو ,,جدي اكبر تمساح في الشارع

مدرس عربي دخل الفصل قال اليوم حصة املاء.يااولاد اكتبوا: ذهب حسام الى المصيف يوم الاربعاء. قال ولد لو سمحت يااستاذالاربعاء همزة على السطر ولا على الألف؟الأستاذ قاله خلاص ياولدي خليها الخميس.

سكران طاح من فوق عمارة قالوللــه لابس شنو صار قاللهم و الله ما ني
عارف حتى اني كيف واصل

في اعمى خاطم في الشارع.. امشي شدت عليه سيارة فرينو اقريب
ضرباته ,, اقعد اعيط ايه تي شوطه شوطه اقتل عمه

قالك في واحد سكـران ,, اركب سيارته ,, ما القاش الدومان و الفودرا و البضاعـة ,,استغرب اتصـل بالشرطـة ,, قال لهم السيارة انخنبت,, الفودار و الدومان و البضاعة مهناش,, جوه الشـرطــة ,, القـــوه راكب في السيارة من الكــرسي التلاني

مدرس سأل طلاب ..مني يحس في روحه غبي يوقف…. فوقف طالب سأله الأستاذ حاسس نفسك غبي …قال الطالب لا يا أستاذ بس قلت عيب تكون واقف بروحك

في واحد ناض من النوم القي ايده زرقاء امشي للدكتور ,, قاله هدا ورم
خبيث لازم انقصو ايدك ,, قاله باهي.. امشي الدكتور قصله ايده
تاني يوم ناض الراجل الي رقبته زرقاء ,, امشي للدكتور نفسه ,,, قاله
لازم انقص رقبتك .. قاله الراجل شنو هوا تي برا يا راجل,, امشي قال احسن
برنامج نمشي انعالج برا خيرلي ,, امشي سافر برا امشي للدكتور .. قاله
نوضت من النوم القيت رقبتي زرقاء شافه الدكتور ,, قاله برا اغسل
رقبتك .. طالــقة عليها رقبة السورية

شخص نادر تزوج امرأة نادرة .. جابوا ولد مهدد بالانقراض ..

مره الام قالت لولدها ايصلحلها الكرسي وقالتله:ياولدي رد بالك من القدومه خير ما ضرك.. فقاللها:ماتخافيش ياامي على خاطر اختي هي الي اتشد في المسامير

المحبوس الأول: علاش حبسوك؟ .. المحبوس الثاني: تصور على خاطر خنبت حبل
طوله ما يجيش ميترو .. لاكن في نهايته بقرة.

مرة فى واحد نوضه الأستاد قاله شن إسمك قاله المبرى على المبرى قاله قول مبرى من الجهتين وخلاص