قالك ابلة اتقري في فصل ,,امشي يوم قاتلهم غضوة كل واحد ايجبلي حيـوان ,, اي حيـوان ثاني يــوم واحد جــاب جده ,, قتله وين الحيـوان يا فرج ,, قلها اهو ,,جدي اكبر تمساح في الشارع

مرة واحد غبي ماشي في الشارع لقي واحد صاحبه قاله ازيك ياعلي شكلك اتغير خالص.. الثاني رد عليه بس انا مش علي.. الاول قاله وكمان غيرت اسمك!

مرة واحد سئله صاحبة قاله شن رائيك في السعادة ؟ قاله أحسن جلاطي في ليبيا

في شيباني ليبي امشي من سيربح المليــون امش سأله جورج قرداحي قاله من جاي معاك الشيباني قاله أمـــي امشي جورج قرداحي قاله عنــجد أمـــك,يعني بجديات.قاله الشيباني عنجـــد بـــــوك

فيه كسلان حكموا اعليه بالإاعدام بدفنه في حفره قالوله شن تبي قبل ماتموت قال نبي نشرب امايه قالوله نوض اشرب قاللهم مازال تبوني انوض تاردم ياراجل

مرة واحد تعارك مع امه جابلها طانطة(شاحنة) حليب وقاللها هذا الي بيني وبينك

في بو بريس خاطم القي فهد ابدي ايسب فيه .. قال له الفهد تي برا يا
بوريس اعقابها حتى انت ,, امشي قاله كانك راجل تعال وراء الشجرة ,,
امشي شده طاق طيق اطلع الفهد من غير عيون,, شافه النمر قاله خيرك ,,
قاله بوبريس دارلي هكي ,, قاله بوبريس تي وينه ,, جي البوبريس للنمر
قاله كانك راجل حتى انت اطلع وراء الشجرة ,, اعلق عليه وراء الشجرة طاق
طيق ,, اطلع النمر حاله ,, شافهم الاسد قاللهم تي خيركم,, قالوله
بوبريس ,, قاللهم بوبريس دار فيكم هكي تي وينه,, جاه البوبريس قاله حتى
انت يا اسد كانك راجل اطلع وراء الشجرة
جاه وراء الشجرة ,, امشي البوبريس ايقول للتمساح الي وراء الشجرة حتى
هدا يا ولد عمي حتى هدا معاهم

مرة واحد قال لصاحبه انا كنت جالس في البلكونة طاحت اعليا بحلوحه .. قال: صاحبه شن معنى البلكونه

قالك في واحد سكـران ,, اركب سيارته ,, ما القاش الدومان و الفودرا و البضاعـة ,,استغرب اتصـل بالشرطـة ,, قال لهم السيارة انخنبت,, الفودار و الدومان و البضاعة مهناش,, جوه الشـرطــة ,, القـــوه راكب في السيارة من الكــرسي التلاني

في اعمى خاطم في الشارع.. امشي شدت عليه سيارة فرينو اقريب
ضرباته ,, اقعد اعيط ايه تي شوطه شوطه اقتل عمه

أعمى أجرى عملية ناجحة لعيونه .. ولما بدي يشوف انشل من الفرحه

المحبوس الأول: علاش حبسوك؟ .. المحبوس الثاني: تصور على خاطر خنبت حبل
طوله ما يجيش ميترو .. لاكن في نهايته بقرة.

قالك واحد خـواف قالت له مرته نتمنى انمـوت بين ايديك قاللها مـوتي عند
اماليك (أهلك) و فكينا من المشاكل

في مرة من المرات سال طفل صاحب سوبر ماركت هل عندك سكر؟ قال البائع: نعم عندي سكر قال الطفل: ربنا يشفيك.

في واحد ترهوني امشي لي طرابلي القي خلاط امتع عصير قامه و اقعد يفحص
فيه ما يعرفاش شنو هوا قال و الله لما نشري واحد و اروح بيه... المهم روح
بيه للبلاد ,, جابه للجماعة حطوه في النص ,, و دارو عليه دورة ,, و
يفكرو فيه شنو هوا,, بعد سعتين و الا ثلاث ناض اذكى واحد فيهم على
اساس ,, قاللهم و ربي الكعبة ما يطلع الا غسالة شخاشير

واحد بخيل سألوه اذا جي الجو برد شن أدير,قال نقرب شوي لدفايه وسألوه إذا جي الجو أبرد شوية شن ادير قال نقرب اكثر على دفايه فسألوه إذا جي الجو بارد هلباهلبا شن ادير قال وقتها نشغل الدفايه

قالك مره فى وحده تنوض فى ولدها قالتله نوض الخدمه قللها خلينى نرقد شويا قالتله نوض يعطيك كيا..قال:ان شاء الله معها موبايل

قالك مرة فيه جماعة من مدينة غير ساحلية قالوا بنمشوا زردة للبحر ... هم مجموعة ولكن واحد منهم عنده مشكلة في لسانه (يعني وتوات) ...؟
الوتوات هذا معاه لفلوس متاع الزردة .. المهم في الطريق وهم ماشيين قاللهم
- " ان ن ن ان نن ان ان ان ان ان "
- " خيرك ياراجل قول شن فيه"
- " أن ننن أن ان ان ان ننننن"
- " إيه علينا عاد .. قول شن فيه ..."
المهم صاحبنا هوه أيونون لين وصلوا الشط .. بعدما نزلوا البضاعة .. قاللهم
= " ان ان ان انسيت لفلوس في الحوش"
- " وااااك علينا .. ليش ياراجل ماقلتش من الأول .. هكي تدير فينا "؟
المهم الجماعة رجعوا وفي الطريق قعد ايقوللهم
- " اننن اننن نننن ننن ننن نن نن "
- " لاحول ولا قوة إلا بالله ... قول يراجل .. شن فيه وانت اتوتوت .."
- " انن نن ننن نن ننن "
- " إيه علينا عاد ... أنطقها هالجوهرة "
المهم الجماعة وصلوا مدينتهم وهو قاعد أنن أأنن ننن
لما وصلوا منازلهم ونزلوا من السيارة قاللهم
" انن انن انن انن انبصر عليكم "!!!!!!؟

مرة واحد توأم شاف اخوه، قال له انت فين من الصبح مش بالدار يخرب شكلك، امي خلتني اتحمم مرتين!!!

في مصري امشي للجزار قاله اعطيني لحمة بجنيـــه قاله الجزار هاك الحس
الشيـــــتة

في غبي.. انسي مفتاح سيارته إلداخل. فتحوها بعلا قه ملابس امشي دار نسخه للعلاقه

واحد طاح من فوق الحيط قالوله جاتك سليمة قاللهم قوللها اتخش
المربوعة توا انجي

قالك فيه ثلاث صقور ,, امدايرين مسابقة من ايجيب اكبر فريسة ,, الصقر الاول امشي و ارجع منقاره دم ,, قال اتشوفو في الارنب الي تحت الشجرة ,, اني الي اقتلتها توا ,, امشي الصقر الثاني و ارجع ,, ,, وجه دم ,, قال اتشوفو في الغزال الي تحت الشجرة ,, اني الي قتلته توا امشي الثالث و ارجـع ,, كله دم ,, حاله ,, قال لهم اتشـوفو في البالوا الي غـادي ,, قالو له ايـه ,, قاللهم اني ما شفتاش ,, (خش في البالوا)

مرة واحد قالوله البحر غدار عدى وشال معه مسدس

واحد تعرف على بنت قاللها شنى اسمك قتله -وعد- قاللها والله مانى مقايل لواحد