قالك في واحد سكـران ,, اركب سيارته ,, ما القاش الدومان و الفودرا و البضاعـة ,,استغرب اتصـل بالشرطـة ,, قال لهم السيارة انخنبت,, الفودار و الدومان و البضاعة مهناش,, جوه الشـرطــة ,, القـــوه راكب في السيارة من الكــرسي التلاني

الرجل لخطيبته: شفتي القمر يا حبيبتي .. الخطيبة: وشن قالولك أني عمية؟.

بينما كان مراقب القاعة الامتحانات يقف في آخر الصف.. لاحظ أن أحد الطلاب يغش في الامتحان.. فتقدم منه وقال له: من غشنا فليس منا.. فأجابه الطالب: من راقب الناس مات هماً.

قالك في شيباني عنده سيارة دلاع ,, ماشي في الطريق على ايميـنه ,و و دوره يكسر طول على يساره ,, و يحشـيها السيارة ,,في سيارة شبيب ,, امشي انزل الشبيب قاله ــ تي خيرك يا حويج مش ادير فليتشـا ,, قاله الشيباني مش عارف امها ماشيـة للســوق

قمة الوفاء: نملة تزوجت فيل ولما مات قعدت طول عمرها تدفن فيه

في طالب قالت له الابلة جيب بــوك .. امشي جي بوه قال لي الابلة خيره
ولدي ,, قالت له ولد خروف غبي ما يعرف شي,., قال لها
كيف ولد ذكي ,, قالت نسأله سؤال كان جاوب ولدك ذكي ,, قالت للولد برا
دور عليا لوطى ,, امشي الولد دور دور و ارجع،،ـ قاللها يا ابلة دورت
عليك في المسرح و حجرة المدرسات ما القيتكش ,, اتلفت له بوه و يضربه
كف .. قال له تي برا شوفها في الادارة يا حمــــار

قالك مرة فيه جماعة من مدينة غير ساحلية قالوا بنمشوا زردة للبحر ... هم مجموعة ولكن واحد منهم عنده مشكلة في لسانه (يعني وتوات) ...؟
الوتوات هذا معاه لفلوس متاع الزردة .. المهم في الطريق وهم ماشيين قاللهم
- " ان ن ن ان نن ان ان ان ان ان "
- " خيرك ياراجل قول شن فيه"
- " أن ننن أن ان ان ان ننننن"
- " إيه علينا عاد .. قول شن فيه ..."
المهم صاحبنا هوه أيونون لين وصلوا الشط .. بعدما نزلوا البضاعة .. قاللهم
= " ان ان ان انسيت لفلوس في الحوش"
- " وااااك علينا .. ليش ياراجل ماقلتش من الأول .. هكي تدير فينا "؟
المهم الجماعة رجعوا وفي الطريق قعد ايقوللهم
- " اننن اننن نننن ننن ننن نن نن "
- " لاحول ولا قوة إلا بالله ... قول يراجل .. شن فيه وانت اتوتوت .."
- " انن نن ننن نن ننن "
- " إيه علينا عاد ... أنطقها هالجوهرة "
المهم الجماعة وصلوا مدينتهم وهو قاعد أنن أأنن ننن
لما وصلوا منازلهم ونزلوا من السيارة قاللهم
" انن انن انن انن انبصر عليكم "!!!!!!؟

مراءة ليبية امشت من سيربح المليون امشي علقت في سؤال طلبت استعانة
بصديقة,,اتصل جورج قرداحي :الوو اخت فاطمة ,,معاك جورج قرداحي من
برنامج من سيربح المليون ,,قتله و النبي سكر من غير اتســهويك

الأب للمدرس : علاش ضربت ولدي أمس ؟ .. المدرس : لأن ولدك (حاشاكم)
حمار .. ما يعرفش يكتب كلمة "فيل" .. الأب بإستغراب : فيل يا ظالم !! .. ولد في
الصف الأول تبيه يكتب فيل ؟ .. قول له يكتب برغوثة .. عصفورة .. حمامة بالكثير مش فيل !!!!؟.

الطفل: بابا علاش أنتا أصلع؟ .. الأب: لأن الصلعة دليل الذكاء يا
حبيبي .. الطفل: توا فهمت علاش ماما شعرها طويل.

فيه واحد رافع بامبلة غاز ومشي ايقول لامه ادعيلي عالصبح..قالتله ان شاء الله ربي يفتحها فى وجهك يا قادر يا كريم

الأب : هل أخذتم الضرب في الحساب… الابن: نعم يا أبي وفي الجغرافيا أيضاً.

واحد بخيل سألوه اذا جي الجو برد شن أدير,قال نقرب شوي لدفايه وسألوه إذا جي الجو أبرد شوية شن ادير قال نقرب اكثر على دفايه فسألوه إذا جي الجو بارد هلباهلبا شن ادير قال وقتها نشغل الدفايه

مدرس سأل طلاب ..مني يحس في روحه غبي يوقف…. فوقف طالب سأله الأستاذ حاسس نفسك غبي …قال الطالب لا يا أستاذ بس قلت عيب تكون واقف بروحك

واحد بطنه توجع فيه مشي لدكتور باكستاني سأله الدكتور : لاباس عليك ..
ردعليه : والله يا دكتور واكل هندي(يعنى تين شوكى) .. الدكتور سيبه وهرب

واحد طاح من السلوم مشي يعاين اعطوه بماطة(مرهم) قالوله ادهن مكان الاصابة روح دهن السلوم

الأول : تجي نديرو آفاري ؟ .. الثاني : كيف ؟ .. الأول : أنتا تعطيني
نص الفلوس اللي معاك وأنا ناخذ منك النص الثاني.

في واحد امشي للعيادة عنده سن فيه سوسة امشي قال لي الدكتور و النبي
نحيهم كلهم و خليه هوا بروحه زي الكــلب

قالك في مره واحد خش في رجله مسمار امشي للمستشفي قاله الدكتور رجلك تبي عمليه واربعه الاف دينار ..حسبها في دماغه القاها برنامج وووفلوس.. قاله عوجه وخليه

واحد ماشي لحديقة الحيوان .. جي جنب قفص الأسد وخشش دماغه في القفص ..
جي الحارس متاع الحديقة يصيحله من بعيد : أنتا يا راجل يا مجنون شنو تدير ..
طلع دماغك من قفص الأسد .. الراجل: غير خيرك خايف عليه .. تقول بناكلوه.

مره فيه خانب ونذل قال النذل للخانب علمني كيف نخنب تزدان من حد فعلمه..الخانب:توه انت علمني كيف انكون نذل.. يمشي النذل شد الخانب ويقول خاااااااااااانب

طبيب الأسنان للمريض : اعلاش تصيح .. قاعد ممسيتش سنونك ؟قاله انت عافس على رجلي

في غبي.. انسي مفتاح سيارته إلداخل. فتحوها بعلا قه ملابس امشي دار نسخه للعلاقه

جمل في عرسه عزم الحيوانات كلهم ماعدا البقرة خايف من جنون البقر ..جاته البقرة في العرس ويغني وتـقــــــــــــــــــــــول: حتي كان الجنون ضربنا في عــرس جمولا ما غبنا

مره واحد سئلوه شن تعريف الزوجة: هى غلطه،ورطه وطول العمر ربطه يا تصيب يا تخيب يا تجيب جلطه