مدرس عربي دخل الفصل قال اليوم حصة املاء.يااولاد اكتبوا: ذهب حسام الى المصيف يوم الاربعاء. قال ولد لو سمحت يااستاذالاربعاء همزة على السطر ولا على الألف؟الأستاذ قاله خلاص ياولدي خليها الخميس.

شخص بارد جداً تزوج مراة بارده جداً جابوا ولد ابرد منهم دار روحه ميت

فيه كسلان حكموا اعليه بالإاعدام بدفنه في حفره قالوله شن تبي قبل ماتموت قال نبي نشرب امايه قالوله نوض اشرب قاللهم مازال تبوني انوض تاردم ياراجل

واحد يحلق لحيته ! شرين (دق الجرس) الباب جرح روحه بالشفره..علالالالالاش ؟ باش يعرف وين وصل بالحلاقه

قالك واحد بطنه كبيرة ساقها برخصة درجة ثانية

طبيب الأسنان للمريض : اعلاش تصيح .. قاعد ممسيتش سنونك ؟قاله انت عافس على رجلي

في ثلاث طلبة عندهم امتحانات ,, و هما سينسة مش قارين شي
قالو انخشو على البركة و خلاص و اي واحد يعرف حاجة ايقول للثاني
الهم جاهم سؤال : كــم عدد ارجل النعجة ,, ما عرفوش ,, اثنين سلمو
وراقيهم و واحد اقعد ,, بعد ما تم الوقت ,, قالوله علاش ما قلتناش كم
عدد ارجل النعجــــــة,,, قاللهم و الله ما فيها كيف المراقب كان حنبي
ما اقدرتــــش انطلعها النعـــــجة

في مراءة ديما اتعيط على راجلها .. في حوش بوي ديما نمشي للسوق في
حوش بوي ديما نشري في حوايج ,, شاديتله 24 ساعة حوش بوي ,,, حوش بوي,,
اتكنطى منها ,, قاللها و النبي هيا بدلي حوايجــك ,, قتله وين
للســوق ,, قاللها لالا ,, لي حوش بــوك

واحد خواف هلبا طلعله جني في الليل وهو مش حافظ شي من القرأن..قال:طلع البدر علينا

واحد بخيل سألوه اذا جي الجو برد شن أدير,قال نقرب شوي لدفايه وسألوه إذا جي الجو أبرد شوية شن ادير قال نقرب اكثر على دفايه فسألوه إذا جي الجو بارد هلباهلبا شن ادير قال وقتها نشغل الدفايه

في واحد شري مكسيما ركب ولد عمه يسكن في الريف المهم اطلع هوا وياه في الطريق يسمع السواق في صوت تخبيط زاد في السرعه صاحب السياره حار دوره اتلفت لولد عمه القاه امطلع ايده ويضرب في البالاوات

جمل في عرسه عزم الحيوانات كلهم ماعدا البقرة خايف من جنون البقر ..جاته البقرة في العرس ويغني وتـقــــــــــــــــــــــول: حتي كان الجنون ضربنا في عــرس جمولا ما غبنا

الطفلة تسأل أمها: ماما .. علاش العروسة تلبس قفطان أبيض في العرس؟ ..
الأم: لأنها خاشة على دنيا جديدة كلها بيضاء .. الطفلة: أها .. وأني نقول علاش
العريس يلبس في بدلة سوداء؟

واحد ماشي يزور في صاحبه يبي يعزمه على عرسه .. ولما طقطق على الباب
طلعتله بنت وكانت حلوة هلبة .. ولما شافها تلخبط معادش عرف شن يقول .. هو: عبد القاعد قادر ؟ .. هي: للأسف مش موجود .. من نقول له لما يجي؟ .. هو: قولي له حميدة الجاي لا .. حميدة اللي بعده عرس الخميس باش يتفضل.

واحد طاح من السلوم مشي يعاين اعطوه بماطة(مرهم) قالوله ادهن مكان الاصابة روح دهن السلوم

مرة فيه شاب مرخي يسوق في سيارة وطلع في الأحمر .. لحق عليه الشرطي
بالموطو وقال له بعصبية : ليش طلعت في الأحمر؟ رد الشاب بخوف : والله انا لما
طلعت ما كانش أحمر هلبة .. يعني تقدر تقول نص نص.

في اعمى خاطم في الشارع.. امشي شدت عليه سيارة فرينو اقريب
ضرباته ,, اقعد اعيط ايه تي شوطه شوطه اقتل عمه

طالب طلع من الاختبار أول واحد اعلاش ؟ على خاطر بوه قاله نبيك تطلع الأول.

في واحد شري خروف العيد,,, روح بيه للحوش ولما بينزله من السيارة قعد ينادي يا جمعة يارجب ياخليفة يا مسعود… قاله الخروف تباهي شهدرت بيا توا ننزل بروحي

مره واحد سئلوه شن تعريف الزوجة: هى غلطه،ورطه وطول العمر ربطه يا تصيب يا تخيب يا تجيب جلطه

وحده تكره راجلها في الدم دارت بازين (أكلة ليبية) وغنت ارفس ارفس يا حميده انشاء الله الليله اخر ليله

المعلم مامعنى كلمة سبيل رد التلميذ طريق قال له المعلم شاطر وسلسبيل قال له طرطريق

وحده غبيه صقعانه قربت من النار باش تتدفأ .. بعدها قالت : الله لايحرمنا منها دنيا.. وآخرة

الأول : تجي نديرو آفاري ؟ .. الثاني : كيف ؟ .. الأول : أنتا تعطيني
نص الفلوس اللي معاك وأنا ناخذ منك النص الثاني.

شنو الفرق بين العنزة الجاهلة والعنزة المتعلمة؟ العنزة الجاهلة اتقول ماء اما العنزة المتعلمة بتقول يد2أ(الرمزالكيميائى للماء)