فى اتنين اغبياء يتعاندو على حاجة فى السماء واحد ايقول شمس وتانى يقول قمر المهم فات من جنبهم غبي تانى قلولها شن هذا شمس وإلا قمر قاللهم مانسكنش هنى

بخيل اتصل بزوجته وسألها : شن الغداء ؟قالتله: زيت وزعتر .. تعفلق وقال لها: اعلاش طيبتي مرتين ؟

قالك واحد عند ولد اسمه عار والتاني فضيحه والبنت اسمها طريحه جي واحد اسمه رمضان بيخطب البنت امشي الراجل بضبح علي ولاده قاللهم يا عار يا فضيحه رمضان يبي طريحه

في ثلاث طلبة عندهم امتحانات ,, و هما سينسة مش قارين شي
قالو انخشو على البركة و خلاص و اي واحد يعرف حاجة ايقول للثاني
الهم جاهم سؤال : كــم عدد ارجل النعجة ,, ما عرفوش ,, اثنين سلمو
وراقيهم و واحد اقعد ,, بعد ما تم الوقت ,, قالوله علاش ما قلتناش كم
عدد ارجل النعجــــــة,,, قاللهم و الله ما فيها كيف المراقب كان حنبي
ما اقدرتــــش انطلعها النعـــــجة

واحد ماشي يزور في صاحبه يبي يعزمه على عرسه .. ولما طقطق على الباب
طلعتله بنت وكانت حلوة هلبة .. ولما شافها تلخبط معادش عرف شن يقول .. هو: عبد القاعد قادر ؟ .. هي: للأسف مش موجود .. من نقول له لما يجي؟ .. هو: قولي له حميدة الجاي لا .. حميدة اللي بعده عرس الخميس باش يتفضل.

قالك فيه ثلاث صقور ,, امدايرين مسابقة من ايجيب اكبر فريسة ,, الصقر الاول امشي و ارجع منقاره دم ,, قال اتشوفو في الارنب الي تحت الشجرة ,, اني الي اقتلتها توا ,, امشي الصقر الثاني و ارجع ,, ,, وجه دم ,, قال اتشوفو في الغزال الي تحت الشجرة ,, اني الي قتلته توا امشي الثالث و ارجـع ,, كله دم ,, حاله ,, قال لهم اتشـوفو في البالوا الي غـادي ,, قالو له ايـه ,, قاللهم اني ما شفتاش ,, (خش في البالوا)

واحد اعمى ماشي للعرس ارفع مع ولده قاله كان الجماعة يأكلو بسرعة
انخصني باش الحقو معاهم,, امشي الاعمي عكس مع جماعة بدالي و هابي ,,
اقعد ياكل بسرعة الولد اتحشم ابدي ينخص في بوه ,, و الشيابني طايح ليه
ليه و الولد بنخص,, امشي الشايبني لوح الكاشيك
و قام الصونية ,, قاللهم تي غيـــر صلو على النبي يا جماعة بشوية

غبي صايم اتصل على الليبية - fm قالوا: له شن تحب تسمع.. قاللهم: مقطع من أذان المغرب.

الرجل لخطيبته: شفتي القمر يا حبيبتي .. الخطيبة: وشن قالولك أني عمية؟.

كان طبيب يعالج مريضه قال له: لدي لك خبران جيد وسيء. فسأل المريض: فما الجيد؟ فأجابه:ستموت بعد يومين. قال المريض: يا إلهي فما السيء؟ فأجابه الطبيب: كان يجب أن أقول تلك الخبرية البارحة

قالك في شيباني عنده سيارة دلاع ,, ماشي في الطريق على ايميـنه ,و و دوره يكسر طول على يساره ,, و يحشـيها السيارة ,,في سيارة شبيب ,, امشي انزل الشبيب قاله ــ تي خيرك يا حويج مش ادير فليتشـا ,, قاله الشيباني مش عارف امها ماشيـة للســوق

ثلاثة حرايمية خشوا لحوازة طلعلهم مولى الحوازة هكي مداير
لبدوا في شكاير خيشة .. مولى الحوازة استغرب شن فيهم الشكاير هذو !!؟
ضرب الشكارة الاولى برجله مشى الخانب قال: بقبقبقبقبوووق ... مولى الحوازة: آآآآه شكارة معبية دجاج
ضرب الشكارة الثانية برجله مشى الخانب قال: باااااااااع .. مولى الحوازة: آآآآه شكارة فيها خروف.
ضرب الشكارة الثالثة ما فيش صوت بكل .. مولى الحوازة استأنس طاح فيها بيديه و رجليه ... طلعله الخانب الثالث تي بطاطا النهار المبارك شن تبيني نقول !!؟

وحده تكره راجلها في الدم دارت بازين (أكلة ليبية) وغنت ارفس ارفس يا حميده انشاء الله الليله اخر ليله

سحانين مدايرين زردة جو الباسطي والمالفي والبكلاوة كلو كلو وبعدين صار فيها اللبز اللي يحدف بباسطي واللي بمالفي واحد منهم حدفوه ببكلاوة
طاح ساخ جوه جماعته إنوضوا فيه بعد ماناض قالوله
سني يارازل طحت من طرف بكلاوة ؟ قاللهم ماهو دربتوها من زيهة اللوزة

واحد أحول بيزوق حوشهم زوق حوش جارهم .. وجارهم حتى هوا أحول خطم عليه قال له "ربي يعاون والعقبة لينا".

مدرس سأل طلاب ..مني يحس في روحه غبي يوقف…. فوقف طالب سأله الأستاذ حاسس نفسك غبي …قال الطالب لا يا أستاذ بس قلت عيب تكون واقف بروحك

طالب طلع من الاختبار أول واحد اعلاش ؟ على خاطر بوه قاله نبيك تطلع الأول.

في واحد شري مكسيما ركب ولد عمه يسكن في الريف المهم اطلع هوا وياه في الطريق يسمع السواق في صوت تخبيط زاد في السرعه صاحب السياره حار دوره اتلفت لولد عمه القاه امطلع ايده ويضرب في البالاوات

مرة واحد سئله صاحبة قاله شن رائيك في السعادة ؟ قاله أحسن جلاطي في ليبيا

أعمى أجرى عملية ناجحة لعيونه .. ولما بدي يشوف انشل من الفرحه

مره في اثنين شبحوا خيمه وسرب ضئ الاول قال هدا عرس والتاني قال عزئ المهم عرس عزئ عرس عزئ المهم جاهم واحد احرف منهم قاللهم هدا عرس واحد ميت

واحد طاح من السلوم مشي يعاين اعطوه بماطة(مرهم) قالوله ادهن مكان الاصابة روح دهن السلوم

وحده غبيه صقعانه قربت من النار باش تتدفأ .. بعدها قالت : الله لايحرمنا منها دنيا.. وآخرة

واحد عنده دجاج خاطم بيه من الرجبان لي طرابلس و هوا ماشي وقفوه
البوابة الاولى ,,, شنو عندك ,, قاللهم عندي دجاج ,, شنو اتوكل فيه
قاللهم شعير ,, قالوله يا حمار اتوكل في الدجاج الشعير و الناس مش لاقية
تاكل ,, اعطوه طريحة اقريب قتلوه,, جي من البوابة الثانية
شنو عندك ,, عندي دجاج ,, شنو اتوكل فيهم .. قاللهم كناسة ,, قالوله
اتوكل في الدجاج الكناسة بعدين اتبيع فيه للناس ,, اعطوه طريحة ,,,
جي للبوابة الثالثة , قالولـه شنو عندك ,,, قال دجاج , قالوله شنو
اتوكل فيه ,, قاللهم من الاخير نعطي فيه في مصرو ف و يمشي يشري بروحه

أثنين طرش ساكنين مقابلين بعض .. الأول طالع من حوشه وشاد في أيده
بندقية والثاني طالع من حوشه وشاد في أيده بندقية .. الأول: أنتا ماشي تبي
تصطاد؟ .. الثاني: لا .. انا مكسد قلت نطلع نصطاد .. الأول: خسارة .. قبل نحسابك ماشي بتصطاد قلت نتسايرو.